Журналіст-фрыласнер падаў індывідуальны зварот ў Камітэт па правах чалавека ААН

2015 2015-03-16T09:25:53+0300 2015-03-16T10:00:31+0300 be http://spring96.org/files/images/sources/bianko-sivec.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Юля Сівец і Мікола Бянько

Юля Сівец і Мікола Бянько

Журналіст з Гомеля Мікалай Бянько падаў у Камітэт ААН па правах чалавека скаргу аб парушэнні права на збор і распаўсюд інфармацыі. Да гэтага ён цягам года спрабаваў аспрэчыць афіцыйнае папярэджаньне абласной пракуратуры, якая назвала яго і жонку Юлю Сівец журналістамі замежнага СМІ, не маючага акрэдытацыі ў краіне.

Нагадаем, 5 сакавіка мінулага года першы намеснік пракурора Гомельскай вобласці Вадзім Сушчынскі вынес незалежным журналістам, сябрам ГА БАЖ Мікалаю Бянько і Юлі Сівец афіцыйнае папярэджанне за з'явіўшыяся на партале "Радыё Рацыя" ад іх імя матэрыялы. Абскарджанне пракурорскага акта ў Генеральнай пракуратуры поспехам не ўвянчалася - там працягвалі вінаваціць фрылансераў у працы на замежнае СМІ.Суддзя суду Цэнтральнага раёна Гомеля Марына Дамненка, куды Мікола Бянько прыйшоў за абаронай сваіх правоў, у задавальненні скаргі адмовіла.Пры гэтым прадстаўніца Феміды не дапусьціла ў працэс яго абаронцу, юрыста БАЖ Леаніда Судаленку, пры тым, што ў пракуратуры абаронца маў магчымасць абараняць інтарэсы журналістаў. Вышэйстаячыя суды, куды апеляваў журналіст, сталі на бок раённага суда і пракуратуры. Пры гэтым, судовая калегія па грамадзянскіх справах Гомельскага абласнога суда разгледзела касацыйную скаргу журналіста ў яго адсутнасць, не паставіўшы ў вядомасць пра дату, месца і час слухання справы.Акрамя факта парушэння права на збор і распаўсюд інфармацыі, пазбаўлення права на абаронцу і права на разгляд справы ў сваю прысутнасць па артыкулах 14 і 19 Міжнароднага Пакта аб грамадзянскіх і палітычных правах Мікалай Бянько просіць ААНаўскі Камітэт абавязаць Беларусь прывесці нацыянальны закон аб СМІ ў адпаведнасць з міжнароднымі абавязкамі. Варта адзначыць, у выпадку рэгістрацыі скаргі, ураду Беларусі прыйдзецца шукаць адказы на пытанні, чаму на журналістаў-фрылансераў распаўсюджваюцца нормы нацыянальнага закона аб СМІ, а таксама, чаму грамадзянін не мае права свабодна абраць абаронцу ў судзе і права на разгляд справы ў сваю прысутнасць.

Гомельская Вясна

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international