Мінскі абласны суд не задаволіў скаргу Міхаіла Гладкага

2015 2015-03-13T17:49:55+0300 2015-05-14T12:12:35+0300 be http://spring96.org/files/images/sources/mikhail_gladkij.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Міхаіл Гладкі

Міхаіл Гладкі

13 сакавіка Мінскі абласны суд разгледзеў скаргу Міхаіла Гладкага на пастанову Мінскага раённага суда аб адмове ў кампенсацыі маёмаснай і маральнай шкоды. У сваёй скарзе заяўнік указаў, што лічыць пастанову незаконнай і не улічваючай канкрэтных абставінаў справы.
Прадстаўнік Міністэрства фінансаў на паседжанне не з'явіўся, а сам М. Гладкі трохі спазніўся.

Падчас пасяджэння абаронца М. Гладкага Вольга Крэмко патлумачыла:
"У крымінальна-працэсуальным заканадаўстве сфармулявана, што толькі ў выпадку самаагавора выключаецца права асобы патрабаваць кампенсацыю. Аднак, не ў выпадку прызнання дадзеных асобай сваёй віны. Мяркую, тым самым суд Мінскага раёна неабгрунтавана дапусціў пашыральнае тлумачэнне гэтай нормы, паколькі заканадаўца, адзначаючы дадзенае выключэнне, не ставіў знак роўнасці паміж такімі падобнымі паняццямі, як «прызнанне віны» і «самаагавор». Ні аднаго з канкрэтных матываў і прыкмет самаагавору ў прызнальных паказаннях М. Гладкага не маецца. Прызнанне віны ў забойстве брата з'явілася следствам памылкі М. Гладкага адносна аб'ектыўных характарыстык сваіх дзеянняў".
Адвакат прыходзіць да высновы, што падобнае добрасумленная памылка асобы ў тым, што яно зрабіла злачынства, не можа з'яўляцца самаагавора.

Выступ пракурора быў кароткі, але гэтага было дастаткова, каб суддзя Бойка Н. пастанову суда Мінскага раёна ад 28 студзеня 2015 года пакінула без зменаў, а прыватную скаргу - без задавальнення.

"Усё. Можаце быць вольныя", - падагульніла суддзя.

Нагадаем, што ў 2003 годзе Міхаіла Гладкага прысудзілі да 8 гадоў пазбаўлення волі за забойства роднага брата. На той момант ён прызнаў сваю віну, так як шчыра лічыў, што здзейсніў злачынства. У 2012 годзе прысуд у дачыненні да яго быў адменены ў сувязі з адсутнасцю ў яго дзеяннях прыкмет злачынства. За забойства ў тым ліку і Гладкага В. быў прыцягнуты да адказнасці Лыкаў Э., а Міхаіл у сваю чаргу звярнуўся ў Мінскі раённы суд з заявай аб прызнанні за ім права на кампенсацыю маёмаснай і маральнай шкоды. Дапамагае яму ў адстойванні правоў Праваабарончы цэнтр "Вясна" ў межах кампаніі "Праваабаронцы супраць смяротнага пакарання ў Беларусі".

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international