Эдуард Лобаў пакараны за парушэнне хатняга нагляду

2015 2015-03-13T08:42:18+0300 2015-03-13T08:42:18+0300 be http://spring96.org/files/images/sources/lobau.jpg
Прэс-канферэнцыя Эдуарда Лобава 19 снежня 2014 года. Фота БРР.

Прэс-канферэнцыя Эдуарда Лобава 19 снежня 2014 года. Фота БРР.

Былы палітвязень, сустаршыня „Маладога Фронту” Эдуард Лобаў, які пасля вызвалення з калоніі знаходзіцца пад прэвентыўным наглядам міліцыі, быў пакараны за яго парушэнне. Па словах маладафронтаўца, ён на паўгадзіны спазніўся дахаты:

- Адно парушэнне ёсць – спазніўся дамоў, у 10 гадзін вечара трэба быць дома, а я прыйшоў у 10.30. Прыйшлі праверыць, а мяне не было дома – склалі дакумент, што спазніўся. Прыйшоў адзначыцца – далі парушэнне, павезлі на суд, далі штраф 1 мільён 80 тысяч.

„Гэта было першае парушэнне і таму пакаралі дастаткова мякка. Другое парушэнне ўжо прадугледжвае адміністратыўны арышт”, – кажа Эдуард Лобаў. У 2011 годзе Лобаў быў асуджаны на 4 годы зняволення па артыкуле „хуліганства”. Разам з ім 2 гады атрымаў лідар „Маладога Фронту” Зміцер Дашкевіч. Па меркаванню праваабаронцаў, крымінальная справа была сфабрыкавана на падставе правакацыі спецслужбаў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international