Скарга Тамары Сялюн - "непадведамасная" суду

2015 2015-03-12T16:11:08+0300 2015-03-16T16:00:35+0300 be http://spring96.org/files/images/sources/seljun_tamara.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Тамара Сялюн (фота Сяргея Балая)

Тамара Сялюн (фота Сяргея Балая)

Ленінскі суд г. Гродна адмовіў Тамары Сялюн ва ўзбуджэнні грамадзянскай справы ў адносінах да Дэпартамента выканання пакаранняў МУС РБ па факце накіравання ў адрас заяўніка спецадзення растралянага сына Паўла Селюна.

Суддзя Жанна Краўчанка палічыла, што скарга Т.Селюн аб прызнанні неправамернымі дзеянні Дэпартамента суду Ленінскага раёна г. Гродна непадсудна. У сваім вызначэнні яна ўдакладніла, што скарга павінна падавацца ў суд па месцы знаходжання дзяржаўнага органа, чые дзеянні абскарджваюцца, а менавіта ў раённы суд г. Мінска.

Што ж тычыцца скаргі ў частцы адмовы Гродзенскага абласнога суда ў прадастаўленні інфармацыі пра дакладны час выканання прысуду і месца пахавання Паўла Селюна, а таксама выдачы яго цела для пахавання, суд палічыў, што прадастаўленне такой інфармацыі рэгламентавана крымінальна-выканаўчым заканадаўствам. Таму не можа быць абскарджана ў парадку грамадзянскага судаводства.

Зыходзячы са сваіх заключэнняў суд палічыў, што няма падстаў і для праверкі канстытуцыйнасці норм крымінальна-выканаўчага заканадаўства, а менавіта арт. 175 КВК, Вярхоўным Судом Рэспублікі Беларусь.

“Мы ў межах кампаніі “Праваабаронцы супраць смяротнага пакарання” аказваем юрыдычную дапамогу Тамары Сялюн ў яе імкненні даведацца месца пахавання сына. Акрамя таго, сітуацыя з тым, што ёй вярнулі казённую вопратку сына, а не яго асабістыя рэчы, вельмі абурае, таму што гэта парушае ч. 3 арт. 25 Канстытуцыі РБ і з'яўляецца бесчалавечым абыходжаннем са сваякамі пакаранага. З упэўненасцю можна гаварыць пра тое, што такі адказ Ленінскага суда г. Гродна нас не спыніць. У дадзены момант мы працуем над абскарджаннем гэтага вызначэння, а таксама будзем дамагацца ўнясення зменаў у нацыянальнае заканадаўства і прывядзення яго ў адпаведнасць з міжнароднымі нормамі і стандартамі”, - звяртае ўвагу праваабаронца Андрэй Палуда.

Нагадаем, Павел Сялюн быў прысуджаны да смяротнага пакарання і расстраляны 18 красавіка 2014. Пасля гэтага яго маці Тамары Сялюн была накіравана спецвопратка пакаранага, у якой ён чакаў прывядзення прысуду ў выкананне. Акрамя таго, ёй не былі паведамлены дакладны час і месца пахавання П. Селюна, не было выдадзена яго цела для пахавання.

23 лютага 2014 Т. Селюн накіравала скаргу на дзеянні Дэпартамента выканання пакаранняў МУС РБ і Гродзенскага абласнога суда ў Ленінскі суд г. Гродна.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international