Брэст: гарадскія ўлады ігнаруюць звароты грамадскасці ў абарону бадзяжных жывёл

Як паведаміла жыхарка Брэста Ірына Сіняпкіна, адкрыты ліст да старшыні гарвыканкама Аляксандра Рагачука, а таксама ў пракуратуру мясцовыя абаронцы жывёл накіравалі яшчэ ў лютым, але за гэты час сітуацыя толькі пагоршылася.

Паводле Ірыны Сіняпкінай, сэнс зваротаў палягае ў тым, каб праблемы з беспрытульнымі жывёламі вырашаліся цывілізаваным шляхам. Акрамя таго, варта ўсталяваць грамадскі кантроль за тым, якім чынам выкарыстоўваюцца грошы, выдаткаваныя з гарадскога бюджэту на патрэбы жывёл, што знаходзяцца ў часовым прытылку пры прадпрыемстве “Камунальнік”.

“Я была проста абураная, што ў гэтым прытылку забіваюць сабак і іншых жывёл, і ўсё гэты робіцца за нашы падаткі, - кажа Сіняпкіна. - Работнікі “Камунальніка” успрымаюць бадзяжных сабак і катоў як смецце, што трэба прыбіраць з вуліц горада. У сваім звароце мы прапанавалі займацца стэрылізацыяй гэтых жывёл, прымаць іншыя захады, але яны засталіся без адказу.