Міліцыя патрабуе ад фатографа Уладзя Грыдзіна вярнуцца ў пастарунак

2015 2015-03-04T15:45:40+0300 2015-03-04T15:45:40+0300 be

З ім, нібыта, хоча пагаварыць начальнік Заводскага РУУС.

Фотакарэспандэнт Уладзь Грыдзін быў затрыманы сёння ў судзе Заводскага раёна Мінска. Як паведамляла Еўрарадыё, там цяпер праходзіць працэс над Дзянісам Замяталіным, сынам вядомага беларускага чыноўніка і ідэолага Уладзіміра Замяталіна. Інфармацыя пра затрыманне была супярэчлівая. Еўрарадыё датэлефанавалася да Уладзя, каб даведацца падрабязнасці пра здарэнне.

“Мяне абвінавацілі ў тым, што я нібыта сфатаграфаваў канвой. Але гэтага не было, я зрабіў толькі некалькі кантрольных кадраў у залі, там яшчэ нават не пачалося паседжанне на той момант”, — расказвае Еўрарадыё Уладзь Грыдзін.

Фатографа спачатку завезлі ў Заводскі РУУС, потым адпусцілі. Аднак праз некаторы час міліцыянты пазванілі ізноў:

“Настойліва назвоньваюць. Просяць вярнуцца ў РУУС. Нібыта, са мной хоча пагаварыць асабіста начальнік. Я пакуль не ведаю, ці паеду. Зараз знаходжуся ў рэдакцыі. Прымаю рашэнне”, — гаворыць Грыдзін.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international