Брэст: незалежная журналістка Аліна Літвінчук падала скаргу на пастанову суда, на які яе “забыліся” запрасіць

2015 2015-02-26T23:20:20+0300 2015-02-26T23:20:20+0300 be http://spring96.org/files/images/sources/alina-lirvinchuk.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Журналістка Аліна Літвінчук

Журналістка Аліна Літвінчук

Больш за ўсё журналістку абурыў той факт, што пра распачатую супраць яе адміністрацыйную справу і вынесенае рашэнне (штраф памерам 40 базавых велічынь), яна даведалася з судовай пастановы, якую даслалі поштай.

З гэтай пастановы вынікае, што 8 студзеня гэтага года Літвінчук, не маючы акрэдытацыі, узяла інтэрв’ю ў старшыні Брэсцкага абласнога аддзялення Беларускага фонда міру Лідзіі Раманюк для “Беларускага Радыё Рацыя”, чым парушыла Закон “Аб сродках масавай інфармацыі” і здейсніла “незаконны выраб прадукцыі СМІ”. У выніку суддзя Аляксандр Семянчук прызнаў журналістку вінаватай у адміністрацыйным правапарушэнні і пакараў штрафам у памеры 40 базавых велічынь (на сённяшні дзень гэта 7,2 мільёны рублёў).

Паводле словаў Аліны Літвінчук, ні пра складзены міліцыяй адміністрацыйны пратакол, ні пра судовае разбіральніцтва яе ніхто не інфармаваў, а пастанова была дасланая поштай.

“Я лічу, што такім чынам мае месца грубае парушэнне норм беларускага заканадаўства і Міжнароднага пакту аб грамадзянскіх і палітычных правах, які ратыфікавала Беларусь. Акрамя таго, я проста была пазбаўлена магчымасці абараняць сябе ў судзе”, - кажа журналістка. Яна таксама распавяла, што акрамя касацыйнай скаргі ў Брэсцкі абласны суд, на імя старшыні суда Ленінскага раёна Брэста падрыхтаваны адмысловы зварот наконт працэсуальных парушэнняў падчас разгляду справы.

Сёлета гэта ўжо другі суд, звязаны з журналісцкай дзейнасцю Аліны Літвінчук. 13 студзеня яе таксама прызналі вінаватай “у незаконным вырабе і распаўсюдзе інфармацыі” паводле артыкула 22.9 Кодэкса аб адміністрацыйных правапарушэннях і аштрафавалі на 30 базавых велічынь.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international