Андрэй Бастунец: «Рэпрэсіўны механізм далі органам, якія не паважаюць базавых прынцыпаў свабоды выказвання»

2015 2015-02-25T17:49:25+0300 2015-02-25T17:49:25+0300 be http://spring96.org/files/images/sources/bastuniec.jpg
Намеснік старшыні БАЖ Андрэй Бастунец

Намеснік старшыні БАЖ Андрэй Бастунец

Намеснік старшыні ГА “БАЖ” каментуе “Палажэнне аб парадку абмежавання доступу да інфармацыйных рэсурсаў (іх складнікаў), размешчаных у глабальнай камп’ютарнай сетцы Інтэрнэт” (зацверджаная Пастановай ААЦ і Мінсувязі 19 лютага, апублікаваная на Нацыянальным прававым партале 25 лютага).

Асноўныя палажэнні гэтай пастановы можна было “пралічыць” загадзя, паколькі і прэзідэнцкім дэкрэце №6 (“Аб неадкладных захадах па супрацьдзеянні незаконнаму абароту наркотыкаў”), і ў законе «Аб СМІ» ўжо ўтрымлівалася большасць палажэняў, механізм якіх цяпер распрацаваны, – лічыць Андрэй Бастунец.

– З пастановы вынікае, што доступ да сайтаў з “чорных спісаў” будзе закрыты – да іх будзе мець доступ толькі пэўная колькасць асобаў.

Па-другое – любыя дзяржаўныя органы змогуць зрабіць свой унёсак у фармаванне гэтых спісаў. Ім дастаткова ўказаць Мінінфармацыі на рэсурсы, які, на іх думку, парушаюць заканадаўства.

Трэцяе і самае важнае – гэты працэс цалкам вынесены ў пазасудовую сферу і аддадзены на водкуп дзяржаўным органам і Мінінфарму. Парадак судовага абскарджання такіх рашэнняў не прадугледжаны. І ёсць асобнае палажэнне адносна таго, што блакавацца могуць нават ананімайзеры. Але гэта, зноў-такі, было чакана.

Юрыст адзначае, што пад блакаванне могуць трапіць не толькі сайты, але і блог. Пералік рэсурсаў, на якія распаўсюджваецца дзеянне дакумента, ­вельмі шырокі.

– З'явіўся механізм, які мае яўна рэпрэсіўны характар і ніяк не суадносіцца з прынцыпам свабоды выказвання меркавання. Да таго ж, гэты механізм далі ў рукі органам, якія не вызначаюцца павагай да гэтых базавых прынцыпаў.

Цяпер стала ясна, што ніякіх магчымасцяў абскарджання прынятых імі рашэнняў фактычна няма, акрамя звароту ў тыя самыя органы. 

Андрэй Бастунец падкрэслівае, наколькі адрозніваюцца тэрміны прыняцця рашэння пра абмежаванне доступу да сайтаў і яго адмены: 

– Там, дзе гаворка ідзе пра абмежаванне, фігуруе трохдзённы тэрмін ці нават 24-гадзінны (такі час адводзіцца правайдару на блакаванне доступу да сайта). А там, дзе ідзе гаворка пра аднаўлене доступу (у адпаведнасці з законам «Аб СМІ», пасля «выпраўлення памылак»), Мінінфармацыі мае цэлы месяц на разгляд звароту. Гэта вельмі яскрава дэманструе падыход да рэгулявання гэтага пытання.    

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international