“Бобруйскому курьеру” не далі інфармацыі пра лёс музея Алеся Адамовіча
https://spring96.org/be/news/75478
2015
2015-02-06T09:17:15+0300
2015-02-06T09:17:15+0300
2015-02-06T09:17:15+0300
be
https://spring96.org/files/images/sources/bk.jpg
Карэспандэнт "Бобруйского курьера" Марына Маўчанава трэцяга лютага, рыхтуючы артыкул, патэлефанавала начальніцы аддзела ідэалагічнай працы, культуры і па справах моладзі Бабруйскага райвыканкама Галіны Чарновай, каб даведацца пра лёс музея Алеся Адамовіча ў пасёлку Глуша (Бабруйскі раён).
Журналістка атрымала катэгарычную адмову. “Я не буду даваць каментар “Бобруйскому курьеру””, – заявіла спн. Чарнова.
А на заўвагу журналісткі пра тое, што чыноўнікі не маюць права не прадастаўляць інфармацыю СМІ, пачула адказ: “Так, я ведаю пра гэта, але канкрэтна вашаму выданню я нічога даваць не буду. Не хачу размаўляць з вашым СМІ”.
Між тым, “Бобруйский курьер” усё ж падрыхтаваў публікацыю на гэтую тэму, у якой ускрыў вострую праблему.
