Вярхоўны суд адхіліў пазоў Мінюста аб ліквідацыі "Мемарыяла"

2015 2015-01-28T15:14:31+0300 2015-01-28T15:15:27+0300 be http://spring96.org/files/images/sources/memaryjal-shylda.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

28 студзеня Вярхоўны суд Расійскай Федэрацыі прыняў рашэнне пакінуць заяву Мінюста аб ліквідацыі таварыства "Мемарыял" без задавальнення.

Сёння была агучана толькі рэзалютыўная частка рашэння суда, матывы, якімі ён кіраваўся, пакуль застаюцца невядомымі.

Паводле інфармацыі РАПСІ з залы суда, Мінюст адмовіўся адклікаць свой пазоў аб ліквідацыі таварыства, нягледзячы на тое, што "Мемарыял" ліквідаваў парушэнні закона, выяўленыя ў ходзе праведзеных раней праверак. "Усе парушэнні закона, дапушчаныя"Мемарыялам", ліквідаваныя. Але пытанне аб далейшым разглядзе справы мы пакідаем на рашэнне суда", - сказала прадстаўнік Мінюста. Пры гэтым Мінюст адзначаў, што ў выпадку ліквідацыі парушэнняў пазоў з суду будзе адкліканы.

Таварыства "Мемарыял" лічыла прэтэнзіі Мінюста фармальнымі, аднак у лістападзе мінулага года арганізацыя правяла канферэнцыю, па выніках якой былі ўнесеныя змены ў статут, да якога Мінюст меў прэтэнзіі.

Нагадаем, Міністэрства юстыцыі звярнулася са скаргай у Вярхоўны суд у кастрычніку 2014 года. Ведамства патрабавала ліквідаваць таварыства "Мемарыял" у сувязі з парушэннем заканадаўства, у прыватнасці адсутнасцю ў арганізацыі агульнарасійскага статусу. У Мінюсце заявілі, што рэгіянальныя структуры "Мемарыяла" створаны ў выглядзе самастойных гарадскіх арганізацый, а не аддзяленняў фонду.

Таварыства "Мемарыял" займаецца, у прыватнасці, пытаннямі рэабілітацыі ахвяраў сталінскіх рэпрэсій і адукацыйнымі праграмамі. У складзе таварыства працуе праваабарончы цэнтр "Мемарыял", які спецыялізуецца на маніторынгу сітуацыі з правамі чалавека на Паўночным Каўказе. Гэты цэнтр занесены ў рэестр некамерцыйных арганізацый - замежных агентаў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international