Салігорск: суд разгледзіць справу аб забароне пікета да Дня правоў чалавека

2015 2015-01-22T10:50:15+0300 2015-01-22T10:50:15+0300 be http://spring96.org/files/images/sources/pravasuddzee.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Суд Салігорскага раёна выклікае праваабаронцу Леаніда Мархотку ў якасці заяўніка па справе аб забароне мясцовымі чыноўнікамі пікета да Дня правоў чалавека. Судовы працэс адбудзецца 26 студзеня ў 14:00. Разглядаць справу будзе намесніца старшыні суда Салігорскага раёна суддзя Ала Трафімчук.

- Верагодна, у гэты дзень адбудзецца пакуль толькі дасудовая сустрэча бакоў. Калі прадстаўнік выканкаму пойдзе насустрач і пагодзіцца даць дазвол на правядзенне праваабарончага пікета на Цэнтральнай плошчы горада ў зручны для нас час, дык мы абсалютна гатовы адклікаць сваю скаргу. Зрэшты, як сведчыць шматгадовы досвед такіх сустрэч, выканкам на міравую ніколі не ідзе, - кажа Леанід Мархотка.

Не выклікае аптымізму ў праваабаронцы і асоба прызначанай для разгляду справы суддзі. Спадарыня Трафімчук ужо некалькі разоў займалася забаронамі Салігорскім выканкамам пікетаў у сталіцы шахцёраў, але ніколі не станавілася ў гэтых пытаннях на бок грамадзян. Гучныя справы ў выбарчыя перыяды таксама трапляюць да яе на разгляд з няцяжка прагназаванымі вынікамі.

На думку Леаніда Мархоткі, прызначэнне намесніцы старшыні суда на справу па забароне пікета да Дня правоў чалавека азначае асаблівы статус гэтай справы для ўладаў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international