Крышнаітаў вінавацяць у нецэнзурнай лаянцы

2015 2015-01-15T14:43:48+0300 2015-01-15T14:43:48+0300 be http://spring96.org/files/images/sources/krisna_zatrymanni.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Шэсцце крышнаітаў (фота belapan.com)

Шэсцце крышнаітаў (фота belapan.com)

Некалькі дзён таму у Полацку былі затрыманыя два сябры крышнаіцкай суполкі, на якіх былі складзены пратаколы аб адміністрацыйным правапарушэнні па арт. 17.1 “Дробнае хуліганства”.

15 студзеня ў судзе Цэнтральнага раёна г.Мінска адзін з затрыманых змог азнаёміцца з матэрыяламі справы і напісаць заяву-хадатайніцтва аб пераносе судовага паседжання ў сувязі з камандзіроўкай у бліжэйшы час. Папярэдне судовы разгляд плануецца на 21 студзеня.

Сітуацыя з другім адміністрацыйна затрыманым высветліцца заўтра ў судзе Аршанскага раёна і горада Оршы.

Са словаў абвінавачаных стала вядома, што знаходзячыся каля гандлёвага дому ў Полацку, яны прапаноўвалі мінакам паразмаўляць і азнаёміцца з некаторай літаратурай. У гэты час да іх падыйшла жанчына, якая прадставілася адміністратарам гандлёвага дому, і папрасіла адыйсці далей ад будынка. Крышнаіты выканалі просьбу, але праз некаторы час былі затрыманыя супрацоўнікамі міліцыі. Пратрымаўшы беспадстаўна іх каля шасці гадзінаў, не патлумачыўшы прычыны затрымання, іх правы і абавязкі, міліцыя прад’явіла ім абвінавачванні ў “дробным хуліганстве”, у тым ліку за нецэнзурную лаянку ў публічным месцы. Пасля складання пратаколаў на падставе заявы адміністрацыі гандлёвага дому, сябраў крышнаіцкай суполкі адпусцілі, а справы накіравалі ў суды па месцы іх рэгістрацыі – у Мінск ды Оршу.

Трэба адзначыць, што нецэнзурная лаянка пярэчыць рэлігійным перакананням крышнаітаў, як і абразлівае прыставанне да грамадзянаў і іншыя наўмысныя дзеянні, якія парушаюць грамадскі парадак.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international