Östgruppen: рашэньне па Танкачовай мае выразны палітычны матыў

2015 2015-01-15T11:27:37+0300 2015-01-15T11:27:37+0300 be http://spring96.org/files/images/sources/tankachova_aliena.jpg
Алена Танкачова, кіраўнік “Цэнтра прававой трансфармацыі”

Алена Танкачова, кіраўнік “Цэнтра прававой трансфармацыі”

Прадстаўнікі швэдзкай арганізацыі «Östgruppen» камэнтуюць пастанову менскага суду, які адмовіўся скасаваць ранейшае судовае рашэньне аб дэпартацыі праваабаронцы Алены Танкачовай зь Беларусі.

Неўзабаве Танкачову павінны выслаць зь Беларусі. Östgruppen называе прысуд «выразна палітычна матываваным рашэньнем» і заклікае ЭЗ і Швэцыю «адрэагаваць на яго»

Паводле кіраўніка швэдзкай праваабарончай ініцыятывы Марціна Углы, вельмі важна, каб Швэцыя ды Эўразьвяз адрэагавалі на рэпрэсіі беларускага рэжыму.

«Аляксандар Лукашэнка хоча пазбавіцца ад крытычных галасоў напярэдадні восеньскіх прэзыдэнцкіх выбараў, і дэпартацыя Tанкачовай — яскравы прыклад гэтага. Міністар замежных спраў Маргот Вальстром павінна публічна скрытыкаваць рашэньне, а таксама падштурхнуць ЭЗ да афіцыйнай крытычнай заявы», — перакананыМарцін Угла.

Як вынікае з заявы швэдзкіх праваабаронцаў,Алена Танкачова і праваабарончы цэнтарLawtrend, які яна ўзначальвае, пасьля мінулых прэзыдэнцкіх выбараў у сьнежні 2010 году адыгрываюць актыўную і важную ролю ў беларускім жыцьці. Яны дакумэнтавалі і маніторылі судовыя пазовы супраць апазыцыйных кандыдатаў і іншых крытыкаў беларускага рэжыму, іншыя дзеяньні ўладаў, калі людзей беспадстаўна кідалі ў турмы, абвінавачваючы іх ва ўдзеле ў беспарадках.

Таксама сябры Östgruppen хацелі б убачыць ад ЭЗ ня толькі афіцыйную заяву, але і пэўныя канкрэтныя дзеяньні. Яны прапануюць уключыць асобаў, адказных за судовае рашэньне па Tанкачовай, у тым ліку судзьдзяў, у сьпіс беларускіх чыноўнікаў, якія нясуць адказнасьць за парушэньні правоў чалавека і супраць якіх Эўразьвяз увёў санкцыі..

«Адна з мэтаў санкцыяў — паказаць, што парушэньні правоў чалавека маюць адмоўныя наступствы для вінаватых. Гэта выдатная магчымасьць прадэманстраваць падобнае на практыцы», — лічыць Марцін Угла.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international