Непаўнагадовы Антон Мех з Кобрына атрымаў папярэджанне за ўскладанне кветак да помнікаў паўстанцаў Каліноўскага ў Свіслачы

2015 2015-01-09T14:37:16+0300 2015-01-09T14:37:16+0300 be http://spring96.org/files/images/sources/meh-anton.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Антон навучаецца ў Польшчы, і на паседжанні адміністрацыйнай камісіі па справах непаўнагадовых прысутнічаў па даверанасці яго бацька, грамадскі актывіст Алесь Мех. Намеснік старшыні камісіі Аляксандр Кананчук прыгразіў, што ў выпадку ўхілення Антона ад адміністрацыйнага працэсу, будзе дадзены загад, каб яго затрымалі на мяжы пасля вяртання з канікулаў і калядных святаў.

На паседжанне камісіі прыязджалі сведкі-міліцыянты Юры Садоўскі і Дзяніс Паўлючэня са Свіслачы. Былі прагледжаны відэаматэрыялы, якія каментавалі свіслацкія праваахоўнікі, даводзячы, што ў Свіслачы адбылося несанкцыянаванае масавае мерапрыемства. Па словах Алеся Меха, ён тлумачыў, што ў Свіслачы ўдзельнікі ўшанавання не мелі на мэце правядзенне масавага сходу, людзі пераходзілі ад аднаго помніка да другога па тратуары.

У выніку разгляду справы Антон Мех быў прызнаны вінаватым у здзяйсненні адміністрацыйнага правапарушэння – удзеле ў несанкцыянаваным масавым мерапрыемстве і атрымаў папярэджанне.

Сам Алесь Мех быў пакараны за ўдзел ва ўшанаванні герояў-паўстанцаў судом Кобрынскага раёна штрафам у 10 базавых велічынь.

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international