Гродзенскі журналіст і праваабаронца абскарджвае пастанову суда

2014 2014-12-10T09:24:37+0300 2014-12-10T09:24:57+0300 be http://spring96.org/files/images/sources/chilmanovic.jpg
Праваабаронца Уладзімір Хільмановіч

Праваабаронца Уладзімір Хільмановіч

Журналіст і публіцыст Уладзімір Хільмановіч падаў у Гродзенскі абласны суд скаргу на рашэнне суда Ленінскага раёна Гродна (суддзя Алена Пятрова), які 25 лістапада аштрафаваў яго нібыта за “ўдзел у несанкцыянаванай акцыі” на 35 базавых велічыняў.

Сябраў ГА “БАЖ” Міхала Карневіча і Уладзіміра Хільмановіча з Гродна палічылі вінаватымі ў парушэнні арт. 23.34 КаАП (парушэнне парадку арганізацыі альбо правядзення масавых мерапрыемстваў). “Правапарушэнне”, якое ім інкрымінуецца, адбылося 26 кастрычніка ў горадзе Свіслач Гродзенскай вобласці падчас цырымоніі ўшанавання памяці паўстанцаў Кастуся Каліноўскага 1863 года.

 Уладзімір Хільмановіч патлумачыў ГА “БАЖ” сваю пазіцыю:

- Я ўказваю ў сваёй касацыйнай скарзе на супярэчнасці, якія можна ўбачыць нават у матэрыялах судовай справы. Канешне, шанцаў выйграць касацыйны суд амаль ніякіх у сённяшняй сістэме, але будзем абскарджваць да ўзроўню Камітэта па правах чалавека ААН. Бо па сутнасці быў даказаны толькі факт нашай прысутнасці на Свіслаччыне. Ніякага актыўнага ўдзелу з транспарантамі, з лозунгамі, з сімволікай. Я даводжу таксама, што не было гэтага масавага мэрапрыемства – было ўшанаванне памяці паўстанцаў. Я таксама меў пры сабе журналісцкае пасведчанне, якое я мог прад’явіць. Ніхто да мяне не падыходзіў і не папярэдвжаў, што я нешта парушаю. Я маю права як журналіст-фрылансер, сябра ГА “БАЖ” прысутнічаць у кожным месцы нашай краіны, дзе няма ніякага закрытага рэжыму.

За правядзенне дня памяці 26 кастрычніка ў горадзе Свіслач было асуджана каля дзесятка чалавек, частка з якіх атрымала штрафы ад 15 да 35 базавых велічыняў. Сярод іх – два сябры ГА “БАЖ”: Міхал Карневіч і Уладзімір Хільмановіч.

Міхал Карневіч падаў скаргу на свой прысуд 3 снежня.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international