Спэцдакладчык ААН: сытуацыя з правамі чалавека ў Беларусі істотна не зьмянілася

2014 2014-10-29T07:44:59+0300 2014-10-29T07:45:28+0300 be http://spring96.org/files/images/sources/miklash_harashci.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Міклаш Харасці, спецыяльны дакладчык ААН па сітуацыі з правамі чалавека ў Беларусі

Міклаш Харасці, спецыяльны дакладчык ААН па сітуацыі з правамі чалавека ў Беларусі

Спэцыяльны дакладчык ААН па Беларусі Міклаш Харасьці 28 кастрычніка прадставіў свой даклад аб сытуацыі ў краіне ў рамках 69-й сэсіі Генасамблеі ААН.

Рада ААН па правах чалавека прызначыла Харасьці спэцдакладчыкам па Беларусі ў 2012 годзе. Ён адзначыў, што ўважліва адсочваў сытуацыю з правамі чалавека ў Беларусі, і за апошні год яна істотна не зьмянілася.

Харасьці адзначыў, што дзейнасьць грамадзянскай супольнасьці паралізуюць тры асноўныя фактары: дазвольны прынцып рэгістрацыі аб’яднаньняў і масавыя адмовы ў рэгістрацыі, крымінальная адказнасьць за дзейнасьць ад імя незарэгістраванай арганізацыі і яе фінансаваньне.

Паводле спэцдакладчыка, у Беларусі паўсюдна выкарыстоўваюцца пагрозы і папярэджаньні для запалохваньня праваабаронцаў, каб перашкодзіць іх дзейнасьці.

У якасьці станоўчых тэндэнцый Харасьці назваў ўнясеньне паправак у заканадаўства аб грамадзкіх аб’яднаньнях і палітычных партыях, якія ўступілі ў сілу ў лютым 2014 году. А таксама вызваленьне па амністыі праваабаронцы Алеся Бяляцкага.

Харасьці адзначыў, што так і ня змог пабываць у Беларусі. Ён выказаў надзею, што беларускія ўлады ўсё ж пагодзяцца зь ім супрацоўнічаць.

Прадстаўнік МЗС Беларусі падчас пасяджэньня заявіў, што «даклады аб сытуацыі ў Беларусі пішуцца спэцдакладчыкам пад дыктоўку з Брусэлю» і назваў гэта «спробай умяшаньня ва ўнутраныя справы».

Паводле прадстаўніка Беларусі, з моманту заснаваньня мандата спэцдакладчыка ў 2012 годзе Беларусь папярэджвала, што яго дзейнасьць ня будзе аб’ектыўнай і непрадузятай.

Удзельнік дыскусіі ад Расеі назваў даклад «палітычна ангажаваным і аднабокім».

У падтрымку даклада Харасьці выступілі прамоўцы ад Канады, Швэйцарыі, Нарвэгіі.

 

Радыё "Свабода".

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international