Бяроза: праваабаронцы абскардзілі рашэнне суда па справе забароны пікета

2014 2014-10-27T14:23:52+0300 2014-10-27T14:23:52+0300 be http://spring96.org/files/images/sources/biar-sud-piket-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Бярозаўскія праваабаронцы накіравалі скаргу рашэнне Бярозаўскага суда, які прызнаў забарону пікета 25 жніўня абгрунтаванай, у касацыйную інстанцыю – Брэсцкі абласны суд. У скарзе праваабаронцы просяць адмяніць рашэнне ад 14 кастрычніка, а справу перадаць на паўторны разгляд у суд Бярозаўскага раёна іншаму суддзі.

Бярозаўскі райвыканкам не даў дазволу на правядзенне пікета па прычыне адсутнасці дамовы з міліцыяй, якая не была пададзена разам з заявай, і занятасцю стадыёна, што не адпавядала рэчаіснасці.

Паводле праваабаронцаў, суддзя Наталля Вакульчык не звярнула ўвагі на парушэнне Бярозаўскім райвыканкамам арт. 58 Закона “Пра нарматыўна-прававыя акты РБ”, дзе сказана, што рашэнні або пастановы ніжэйшых інстанцый павінны быць зменены суадносна законаў або пастаноў вышэйшых або яны прызнаюцца страціўшымі юрыдычную сілу. Бярозаўскі райвыканкам ужо 2 гады ігнаруе Пастанову Саўміна № 207, дзе сказана, што на працягу дня пасля падачы заявы на пікет наконт аховы правапарадку павінен дамаўляцца сам райвыканкам. Чыноўнікі не толькі своечасова не ўнеслі зменаў у сваё рашэнне адносна арганізацыі масавых мерапрыемстваў, але рэгулярна адсутнасць такой дамовы ўказваюць як парушэнне ўстаноўленага імі парадку арганізацыі акцый.

У судзе не было таксама дадзена належнай ацэнкі і нават не звернута ўвагі на непраўдзівыя звесткі райвыканкама пра занятасць стадыёна на заяўлены час пікета, што з’яўлялася таксама адной з прычын адмовы.

Праваабаронцы спадзяюцца, што відавочныя парушэнні юрыдычных і этычных нормаў Бярозаўскім райвыканкамам стануць падставай для задавальнення скаргі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international