Змененае рашэння Бярозаўскага райвыкавнкама засталося без зменаў

2014 2014-10-23T14:37:56+0300 2014-10-23T14:37:56+0300 be http://spring96.org/files/images/sources/biarozagarvykankamjpg.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Бярозаўскі райвыканкам пад амаль гадавым ціскам праваабаронцаў наконт змены рашэння № 138 ад 2009 г. “ Аб правядзенні масавых мерапрыемстваў” згодна патрабаванням Пастановы Саўміна № 207 ад 2012 года зрабіў выгляд, што пайшоў на саступкі. Гэта зафіксавана ў рашэнні райвыканкама ад 26.09 2014 г.№ 1070 за подпісам старшыні райвыканкама Юрыя Наркевіча і ўпраўляючай справамі Вольгі Шып (на фота). Сэнс гэтай змены заключаецца ў тым, што пасля атрымання заявы на правядзенне масавага мерапрыемства ў першыя суткі выканкам павінен звязацца з міліцый для разгляду пытанняў, звязаных з аховай грамадскага парадку падчас акцыі. Такое патрабаванне замацавана ў Пастанове Саўміна, і гэта азначае, што не заяўнікі павінны звязвацца з міліцыяй і зключаць дамову на абслугоўванне масавага мерапрыемства, а сам выканкам.

Праваабаронцы, азнаёміўшыся з рашэннем райвыканкаму аб унясенні зменаў у пастанову аб парадку арганізацыі масавых мерапрыемстваў у Бярозе, былі ўпэўненыя, што менавіта такі парадак будзе ўжывацца надалей. Але абсалютна нечакана ў рашэнні райвыканкама, прадстаўленым 14 кастрычніка ў суд Бярозаўскага раёна на судовае паседжанне па іску праваабаронцаў аб забароне пікета 25 жніўня, выявілася, што ва ўжо змененым рашэнні патрабаванне прадстаўлення копіі дамовы адначасова з падачай заявы -- застаецца.

На судзе юрыст райвыканкама Яўген Кашталян заявіў, што адмоўлена ў пікеце па прычыне адсутнасці дамовы з міліцыяй законна, таму што, нягледзячы на ўнесенае дапаўненне ў рашэнне, копію дамовы з міліцыяй павінны падаваць адначасова з заявай на пікет.

Паводле праваабаронцы Сяржука Русецкага, ён спадзяецца на прафесіяналізм органаў, якія праводзяць юрыдычную экспертызу, і якія ацэняць гэтую райвыканкамаўскую бязглуздзіцу.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international