Глыбокае: замест дапамогі інвалідам прапануюць “тэлефанаваць” (фота)

У Глыбокім на адной з аўтазаправачных станцый вісяць таблічкі, якія прапануюць дапамогу людзям з абмежаванымі магчымасцямі. Здавалася б добрая справа, але тое, што там напісана падаецца здзекам. Тэкст таблічкі наступны: “Калі вам патрэбная дапамога, тэлефануйце па тэлефоне”. Гэты тэкст напісаны на двух мовах – русскай і англійскай, але нумара тэлефона нідзе не пазначана. Куды тэлефанаваць? У міліцыю, хуткую, або таму, хто зможа дапамагчы наліць бензін у машыну?

Але, ці шмат ёсць людзей з абмежаванымі магчымасцямі ў Глыбокім і ваколіцах, якія маюць аўтамабілі? У Глыбокім налічваецца 270 інвалідаў працаздольнага ўзросту, толькі палова з іх працуе. Яны ў асноўным задзейнічаны на грамадскіх працах. Па словах інвалідаў, яны атрымоўваюць па 400 – 700 тысяч беларускіх рублёў. Сапраўды, пра аўтамабіль ім застаецца толькі марыць.

Вось так і вісяць непатрэбныя нікому таблічкі, здзіўляючы падарожнікаў, якія заязжаюць на аўтазапраўку.