Семінар у Віцебску: пра міжнародную салідарнасць, правы чалавека і грамадзянскі кантроль

2014 2014-10-13T15:10:26+0300 2014-10-13T15:16:03+0300 be http://spring96.org/files/images/sources/hrf_vitebsk_2014.10.25_by_photo_by_news.vitebsk.cc.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

«Калі ўжо нешта рабіць, дык па-вялікім»

А.І. Б. Стругацкія

Ці патрэбна міжнародная салідарнасць з Зімбабвэ? Ці існуюць праваабаронцы ў Манголіі? Здаецца, гэта далёка і не важна?

Але парушэнні правоў чалавека, дзе б яны ні адбываліся — тычацца кожнага. Сачыць за імі і змяняць свет да лепшага можна з дапамогай міжнароднай салідарнасці.

Для жадаючых разабрацца, што такое міжнародная салідарнасць і як садзейнічаць яе развіццю, якія існуюць дзеянні ў абарону грамадскіх інтарэсаў і што такое гуманітарны антыфашызм, запрашаем на семінар 25 кастрычніка ў Віцебску!

Пра што праграма?

Адукацыйны семінар праходзіць цягам дня і падзелены на блокі. Вы можаце абраць, у якіх з іх прымеце ўдзел (удзел ва ўсіх блоках не з'яўляецца абавязковым, але пажаданы для найлепшага засваення інфармацыі).

Правы Чалавека «на пальцах» (абавязковы блок, але калі вы ўжо прымалі ў ім удзел, калі ласка, адзначце гэта пры запаўненні анкеты) – даступна і проста будуць разгледжаны 5 тэзісаў, якія з'яўляюцца асноватворнымі ў Міжнароднай Школе Правоў Чалавека і Грамадзянскіх Дзеянняў.

Дзеянні ў абарону грамадскіх інтарэсаў. У блоку будуць разгледжаны паняцце грамадскай праблемы і грамадскага інтарэсу, чым можна кіравацца для вырашэння праблем свайго горада, рэгіёну і нават краіны. Таксама гаворка пойдзе аб розных стратэгіях і тактыках для дасягнення пастаўленых мэтаў.

Грамадзянскі кантроль. Што з сябе ўяўляе праваабарончае назіранне і навошта яно, асноўныя прынцыпы, хто такія назіральнікі, расповед пра назіранне на судовых працэсах, масавых мерапрыемствах не толькі ў Беларусі, але і ў іншых краінах.

Гуманітарны антыфашызм (HumanIntegrity). Падчас блока можна будзе пагаварыць пра тое, што такое сучасны фашызм і фашызоідныя тэндэнцыі, што можа ім супрацьстаяць у сучасным свеце і як кожны можа працаваць з сабой, каб фашызму ў свеце было менш. Тут жа будзем абмяркоўваць, што такое талерантнасць і ці заўсёды талерантныя паводзіны з'яўляюцца адказам на сучасныя выклікі.

Прагляд фільма («Убить дракона») і дыскусія пра тое, хто такія цмокі, што з імі рабіць і як прыняць ўнутраных цмокаў.

Каго мы чакаем?

Да ўдзелу запрашаюцца беларуская моладзь і студэнты, а таксама ўсе жадаючыя незалежна ад узросту, сацыяльнага стану, веравызнання і г.д.

Дзе і калі?

Семінар адбудзецца ў Віцебску 25 кастрычніка (субота) з 10.00 да 21.00. Дакладнае месца правядзення будзе паведамленае адабраным удзельнікам. Вядучыя праграмы – маладыя беларускія праваабаронцы.

Анлайн-заяўку запаўняйце тут. Дэдлайн падачы заявак 21кастрычніка ўключна.

Бонус для ўдзельнікаў

Для тых, хто паспяхова пройдзе дадзены семінар, прадугледжана паглыбленае навучанне, а таксама іншыя прапановы ў галіне адукацыі правам чалавека, стажыроўкі і ўдзел у дзейнасці беларускіх і міжнародных праваабарончых і моладзевых арганізацый.

 «Правы Чалавека «на пальцах» — сталая навучальная праграма па Правах Чалавека для пачаткоўцаў. Падчас праграмы задаецца і ўзнікае шмат пытанняў, над якімі прапануецца паразважаць самастойна, а таксама з іншымі ўдзельнікамі і вядучымі. Праграма з’яўляецца часткайМіжнароднай школы Правоў Чалавека і грамадзянскіх дзеянняў.

Па ўсіх пытаннях пішыце на belmpd@gmail.com.

Далучайцеся да насВконтакте,Facebook,Twitter,Instagram,Youtube.

Малюнак да анонса ўзяты з news.vitebsk.cc

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international