Бялынічы: супраць дэпутата мясцовага райсавета ўзбуджана крымінальная справа

2014 2014-10-01T18:09:01+0300 2014-10-01T18:09:01+0300 be http://spring96.org/files/images/sources/deputatckae_kresla.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Супраць дэпутата Бялыніцкага раённага Савета дэпутатаў 27 склікання Андрэя Ярашэнкі ўзбуджана крымінальная справа. Адпаведную інфармацыю апублікавала мясцовая маланакладная незалежная газета “Паходня” (№13 (176) за верасень 2014 года).

Згодна інфармацыі журналістаў газеты “Паходня”, крымінальная справа ў адносінах да Андрэя Ярашэнкі ўзбуджана і раследуецца па падазрэнні ва злоўжыванні ўладай і службовым становішчам у перыяд працы дэпутата намеснікам старшыні Бялыніцкага райвыканкама па будаўніцтве. Пасля з’яўлення інфармацыі ў “Паходні” аб узбуджэнні крымінальнай справы Андрэй Ярашанка быў адхілены ад пасады намесніка старшыні райвыканкама, і на гэту пасаду ўжо прызначаны былы начальнік аддзела архітэктуры і будаўніцтва Бялыніцкага райвыканкама Дзмітрый Давыдаў.

Андрэй Ярашэнка абіраўся дэпутатам Бялыніцкага раённага Савета дэпутатаў 26 склікання па Ермалавіцкай выбарчай акрузе №20 і дэпутатам райсавета 27 склікання па Горкаўскай выбарчай акрузе №5 у г.п. Бялынічы. Дарэчы, выбары ў райсавет вясной гэтага года па Горкаўскай акрузе №5 праходзілі на альтэрнатыўнай аснове, супернікам Андрэя Ярашанкі быў іншы праўладны кандыдат – інспектар дзяржаўнага пажарнага нагляду Бялыніцкага раённага аддзела МНС Ілля Цікуноў.

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international