Салігорск: Агітацыйную прадукцыю Някляева правераць на наяўнасьць парнагарфіі і экстрэмізму

2014 2014-09-25T07:06:52+0300 2014-09-25T07:06:52+0300 be http://spring96.org/files/images/sources/zodzina-agit-plakat-5..jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

На мінулым тыдні беларуская сталіца шахцёраў адзначылася гучнымі ператрусамі ў вядомых салігорскіх апазіцыянераў Андрэя Тычыны і Уладзіміра Шылы. Супрацоўнікі аддзялення наркакантролю і супрацьдзеяння гандлю людзьмі Салігорскага РАУС шукалі ў мясцовых дэмакратычных актывістаў “парнаграфію”. Разабрацца ў сітуацыі паспрабавалі мясцовыя праваабаронцы.

Як раней паведамляў сайт “Вясны”, яшчэ 10 верасня маладафронтаўца Андрэя Тычыну выклікалі ў міліцыю “на размову”. Увечары 12 верасня маладзён наведаў пастарунак, дзе яго чакаў супрацоўнік Яўген Жылінскі, непасрэдна адказны за апазіцыю ў сталіцы шахцёраў. Зрэшты, гутарка была не пра порна індустрыю, а пра масавае з’яўленне ў горадзе палітычных улётак, антываенных графіці, украінскіх і бел-чырвона-белых сцягоў ды іншых арт-акцыяў. Спадара Жылінскага цікавіла магчымая датычнасць да гэтых падзеяў мясцовых моладзевых актывістаў, асабліва Уладзіміра Лемеша ды Івана Шылы. Нягледзячы на ціск і пагрозы, атрымаць такую інфармацыю ад маладафронтаўца ў міліцыянта не атрымалася. Праз 40 хвілін бясплённая гутарка была скончана.

Аднак праз некалькі дзён, 16 верасня, да маладзёна прыйшлі супрацоўнікі аддзялення наркакантролю і супрацьдзеяння гандлю людзьмі Салігорскага РАУС з санкцыяй на вобыск. З пастановы пракурора вынікала, што ад імя Андрэя Тычыны ў сацыяльнай сетцы УКантакце нібыта распаўсюджвалася порнапрадукцыя. Узначальваў групу міліцыянт Мікалай Драбуцька, таксама не аднойчы заўважаны ў пераследзе салігорскіх апазіцыянераў. З чатырох супрацоўнікаў міліцыі двое ўдзельнічалі ў якасці панятых. На пачатку вобыску Драбуцька атрмаў тэлефонны званок ад Жылінскага, з якога вынікала неабходнасць засяродзіцца на пошуку не парнаграфіі, а ўлётак і іншай агітацыйнай прадукцыі. Напамін Андрэя Тычыны аб мінулым ператрусе і канфіскацыі ўсіх такіх матэрыялаў у 2011 годзе на імпэт міліцыянтаў не паўплываў. У выніку ў маладзёна былі вынятыя смартфон з ноўтбукам, а таксама маладафронтаўскія значкі і старая агітацыйная прадукцыя з перадвыбарчай сімволікай кандыдата ў прэзідэнты Уладзіміра Някляева.

Зацікавіў міліцыянтаў і дапаможнік для назіральнікаў за парламенцкімі выбарамі, але канфіскоўваць яго яны не сталі. Асабліва цікавіліся наяўнасцю ў маладзёна фотатэхнікі. Як вядома, Андрэй Тычына доўгі час быў фатографам мясцовга незалежнага сайта САЛІГОРСК.org, на якім з’яўляюцца арыгінальныя здымкі з апазіцыйных акцый. Фота са згаданых вышэй апошніх акцый публікаваліся на гэтым сайце таксама.

Пасля ператрусу маладафронтавец быў дастаўлены ў пастарунак для дачы тулмачэнняў. Андрэй Тычына не хаваў факту зробленага ім жартаўлівага допісу на прыватнай старонцы свайго сябра Івана Шылы ва УКантакце. І хаця да допісу быў далучаны відэаролік інтымнага зместу, распаўсюд порнапрадукцыі маладзён катэгарычна абвяргае. Да таго ж не зусім зразумелым застаецца пытанне, якое дачыненне маладафронтаўскія значкі і агітацыйная прадукцыя Уладзіміра Някляева мелі да гэтага допісу. Самі супрацоўнікі міліцыі заявілі, што ў схаванай форме там можа прысутнічаць не толькі парнаграфія, але і экстрэмізм. Канчатковае ж рашэнне будзе прымаць адмысловая экспертыза.

Праз некалькі гадзін маладзён быў вызвалены. І ў гэты ж час у межах гэтай жа самай пракурорскай праверкі адбыўся ператрус у доме Уладзіміра Шыла, бацькі маладафронтацаў Івана і Іллі Шылаў. Па словах Уладзіміра, міліцыянты асаблівага імпэту падчас вобшуку не вяўлялі, але забралі мадэм і сістэмны блок ад камп’ютэра.

З таго часу на сувязь з апазіцыянерамі ніхто з праваахоўных органаў не выходзіў. Па словах саміх міліцыянтаў, пракурорская праверка па гэтай справе можа цягнуца ад двух тыдняў да шасці месяцаў.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international