Сёння ў Бабруйску і Магілёве вырашаюць, што рабіць з незалежнымі журналістамі
23 верасня ў Бабруйску а 15.30 – суд па справе журналісткі Марыны Малчанавай, а ў Магілеве аб 11-й – чарговы візіт у міліцыю Аляксандра Буракова.
Абодвух падазраюць у парушэнні артыкула 22.9 КаАП – незаконны выраб і распаўсюд прадукцыі СМІ.
Карэспандэнтцы “Бобруйского курьера” Марыне Малчанавай міліцыя ставіць у віну публікацыю ў жніўні 2014 года на сайце тэлеканала “Белсат”.
Падставай для адміністрацыйнага пераследу Аляксандра Буракова стала з’яўленне ў ліпені-жніўні 2014 г. на інтэрнэт-сайце DW.DE ("Нямецкая хваля") трох матэрыялаў за яго подпісам. На гэтай падставе ў кватэры журналіста і яго бацькоў 16 верасня супрацоўнікі Ленінскага РАУС правялі "агляд месца адміністратыўнага правапарушэння" і забралі два ноўбукі, два сістэмныя блокі і дзве флэшкі.
