У Магілёве прайшла сустрэча з Алесем Бяляцкім

2014 2014-09-22T09:42:53+0300 2014-09-22T09:42:53+0300 be http://spring96.org/files/images/sources/bialacki_mahilou_irtutnae_1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

19 верасня ў Магілёве прайшла сустрэча са старшынём Праваабарончага цэнтру "Вясна" Алесем Бяляцкім.

Гэта першы візіт былога палітвязня ў Магілёў пасля яго вызвалення з бабруйскай калоніі ў чэрвені гэтага году. Некалькі дзясяткаў магілёўцаў, што прыйшлі на сустрэчу з Алесем Бяляцкім, віталі былога палітвязня воплескамі.

Падчас сустрэчы праваабаронца прэзентаваў сваю кнігу "Іртутнае срэбра жыцьця", якая складаецца з эсэ, напісаных ім у зняволенні. У эсе, якія Алесь Бяляцкі дасылаў лістамі з бабруйскай калоніі, ён апісвае дзейнасць праваабаронцаў да і пасля беларускіх падзеяў 2010 году, апавядае пра ўдзел міжнародных праваабарончых місіях. Укладальніца кнігі Алена Лапцёнак, якая таксама ўдзельнічала ў сустрэчы, распавяла прысутным пра гісторыю яе стварэння, а сам аўтар - пра асаблівасці творчай дзейнасці ў турэмных варунках.

Падчас сустрэчы былі абмеркаваныя падзеі падчас і пасля апошніх прэзідэнцкіх выбараў, сучасны стан з правамі чалавека ў Беларусі, праблема палітвязняў. Алесь Бяляцкі і Алена Лапцёнак адказалі на шматлікія пытанні прысутных, а пры канцы сустрэчы аўтар кнігі падпісаў яе ўсім жадаючым - магілёўцы, што прыйшлі на сустрэчу, атрымалі "Іртутнае срэбра жыцьця" ў падарунак.

Падчас зняволення Алеся Бяляцкага выйшлі дзве ягоныя кнігі - "Іртутнае срэбра жыцьця" і літаратуразнаўчы зборнік "Асьвечаныя Беларушчынай". Рыхтуецца да друку ягоны публіцыстычны зборнік «Халоднае крыло Радзімы». Алесь Бяляцкі - аўтар яшчэ двух кніг: літаратуразнаўчай манаграфіі «Літаратура і нацыя» і кнігі нарысаў і эсэ «Прабежкі па беразе Жэнэўскага возера», што выйшлі ў 1991-м і 2006-м гг.

"Магілёўская Вясна".

Прэзентацыя кнігі А. Бяляцкага "Іртутнае срэбра жыцьця" ў Магілёве.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international