У Магілёве больш за 20 грамадзян просяць браму Свята-Мікольскага манастыра вярнуць у першапачатковы выгляд

2014 2014-09-10T22:09:07+0300 2014-09-10T22:09:07+0300 be http://spring96.org/files/images/sources/sviata-nikolski-manastur-magileu.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Адпаведны зварот яны накіравалі ў Міністэрства культуры Рэспублікі Беларусь, а таксама Магілёўскі гарадскі выканаўчы камітэт.

Грамадзяне абураныя тым, што на ўяздной браме ХVІІ стагоддзя Свята-Мікольскага манастыра вырасла “цыбуліна”. На іх думку, яе з’яўленне не было ні з кім узгоднена, і толькі сапсавала непаўторнасць адзінага застаўшагася ў Магілёве помніка дойлідства ў стыле Магілёўскага барокка.

Падпісанты адзначаюць, што менавіта з рэстаўрацыі  ўяздной брамы ХVІІ стагоддзя пачалося архітэктурнае адраджэнне Магілёва ў пачатку 90-х гадоў мінулага стагоддзя. Калі браму адраджалі пад кіраўніцтвам археолага і гісторыка Алега Трусава, ніякай “цыбуліны” тады там не было.

Грамадзяне адзначаюць, што тыя, хто ўсталяваў падобны царкоўны атрыбут, праявілі недальнабачнасць, бо комплекс манастыра мае шанцы ў будучыні быць далучыным да сусветнай архітэктурна-культурнай спадчыны ЮНЭСКА, аднак калі мясцовыя чыноўнікі будуць глядзець заплюшчыўшы вочы на падобныя свавольствы, то гэты статус манастыр ніколі не займее. 

 

Апошнія навіны

Партнёрства

Сяброўства