Рыгор Кастусёў скардзіцца на шклоўскіх чыноўнікаў у пракуратуру

2014 2014-09-08T13:41:07+0300 2014-09-08T13:41:07+0300 be http://spring96.org/files/images/sources/kastuseu-rygorr.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Рыгор Кастусёў.

Рыгор Кастусёў.

Намеснік старшыні Партыі БНФ Рыгор Кастусёў 7 верасня накіраваў скаргу на імя пракурора Магілёўскай вобласці Аляксандра Чадзюка. У сваёй скарзе Рыгор Кастусёў, які стала пражывае ў Шклове, просіць пракурора Магілёўскай вобласці прыняць меры да парушальнікаў беларускага заканадаўства ў пытаннях працы са зваротамі грамадзян супрацоўнікамі Шклоўскага райвыканкама.

Нагадаем, што ў парушэнне закона аб зваротах грамадзян шклоўскія чыноўнікі не давалі Рыгору Кастусёву абгрунтаваныя адказы на яго звароты ва ўстаноўленыя законам тэрміны. Ліст аб разглядзе яго прапаноў з Шклоўскага райвыканкама даслалі толькі пасля зваротаў спадара Кастусёва ў пракуратуру Шклоўскага раёна і Магілёўскі аблвыканкам.

Па словах Рыгора Кастусёва, ён звярнуўся са скаргай да пракурора Магілёўскай вобласці з мэтай недапушчэння ў далейшым падобных парушэнняў беларускага заканадаўства з боку чыноўнікаў Шклоўскага райвыканкама, якія падобным чынам рэагуюць і на звароты іншых грамадзян.

“Яшчэ 25 красавіка 2014 года я звярнуўся да старшыні Шклоўскага райвыканкаму А.Бойка ад імя грамадзянскай ініцыятывы “Шклоўскі Магістрат” з шэрагам прапановаў:

-аб размяшчэнні на будынку шклоўскай ратушы шыльды з інфармацыяй аб наданні гораду   ў 16 стагоддзі Магдэбургскага права,

-аб ініцыятыве Шклоўскага райвыканкаму перад кіраўніцтвам краіны па стварэнні на тэрыторыі Шклова свабоднай эканамічнай зоны.

Разам са зваротам старшыні райвыканкаму былі перададзены прапановы і напрацоўкі па рэфармаванні эканомікі Шклоўскага раёна.

Але адказу на працягу месяца я так і не атрымаў.

16 чэрвеня 2014 года я паўторна звярнуўся да старшыні райвыканкаму Бойка, але зноўку ніякага адказу з райвыканкаму не паступіла.

11 жніўня 2014 года з падобным лістом я вымушаны быў звярнуцца да старшыні Магілёўскага абласнога выканаўчага камітэта Пятра Рудніка, а таксама са скаргай на бяздзеянне чыноўнікаў да пракурора Шклоўскага раёна Дзмітрыя Лянчэўскага.

І толькі пасля гэтага напрыканцы жніўня я нарэшце атрымаў ліст са Шклоўскага райвыканкаму за №127-1 ад 22.08.2014г.

Са дня майго першага звароту прайшло чатыры месяцы, што з’яўляецца грубейшым парушэннем беларускага заканадаўства. Ды і канкрэтны адказ у гэтым лісце адсутнічае. А прапановы па рэфармаванні эканомікі раёна нават не разглядаліся.

У той жа час, нягледзечы на вялікія фінансавыя ўліванні з дзяржаўнага бюджэту з мэтай развіцця прадпрыемстваў раёна, эканамічны стан Шклоўшчыны ў апошнія гады пагаршаецца.

На ўсю краіну гучаць рэгулярныя карупцыйныя скандалы з удзелам чыноўнікаў Шклоўскага райвыканкаму і кіраўніцтва некаторых прадпрыемстваў раёна”, - кажа Рыгор Кастусёў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international