13 заявак на пікеты – 13 адмоваў

2014 2014-09-04T23:39:16+0300 2014-09-04T23:39:16+0300 be http://spring96.org/files/images/sources/pamezhny_perahod.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Актывісты па стварэнні партыі Беларуская Хрысціянская Дэмакратыя ў Гродзенскай вобласці атрымалі 13 адмоваў на 13 заявак аб правядзенні інфармацыйных пікетаў у розных гарадах. Тэматыка заяўленых пікетаў была наступная: інфармаванне насельніцтва пра праблемы ўсталявання малога памежнага руху. Цікава, што ўсе заяўкі на розныя дні былі пададзеныя адным чалавекам – грамадска-палітычным актывістам Анатолем Макаравым. На свае заяўкі ён атрымаў адмовы з Астравецкага, Ашмянскага, Бераставіцкага, Ваўкавыскага, Воранаўскага, Іўеўскага, Лідскага, Мастоўскага, Свіслацкага, Смаргонскага, Шчучынскага раённых выканаўчых камітэтаў, а таксама Гродзенскага і Скідзельскага гарвыканкамаў.

Пераважная частка адмоваў тлумачыцца неадпаведнасцю ўказанага месца правядзення пікету і тым, што заяўнікам не заключаны пагадненні з адпаведнымі службамі па прыбіранні тэрыторыі, ахове грамадскага парадку, забеспячэнні медыцынскага абслугоўвання. Сярод адмоваў сустракаюцца і арыгінальныя: так, у адказе Мастоўскага выканкаму адмова тлумачыцца тым, што ў заяўлены дзень на месцы мяркуемага пікета адбудзецца мерапрыемства “Добры дзень, школа!”, а ў адказе Іўеўскага выканкаму, найбольш лаканічным, гаворыцца, што пікет немагчымы ў звязку з тым, што 6 верасня мясцовы прамысловы рынак не працуе. А Бераставіцкі і Ваўкавыскі райвыканкамы парушылі заканадаўства аб мовах Рэспублікі Беларусь, даслаўшы адказы заяўніку не на беларускай мове звароту, а на рускай. Такія адказы даслалі старшыня Бераставіцкага выканкаму Антон Кулісевіч і намеснік старшыні Ваўкавыскага выканкаму Уладзімір Захарчук. У адказе з Бераставіцы на заяўку наўпрост сказана: “Запретить Макарову А.П. проведение массового мероприятия”.

Каардынатар па стварэнні БХД на Гродзеншчыне Мікалай Баўсюк, каментуючы сітуацыю, кажа, што яшчэ раз пацвердзілася – атрымаць дазвол на правядзенне інфармацыйнага пікета ў вобласці папросту немагчыма. Адмовы чыноўнікаў ён лічыць надуманымі і праявай сапраўднага бюракратызму. Акрамя гэтага Мікалай Баўсюк кажа, што ўлады папросту не хочуць увядзення малога памежнага руху.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international