ААН патрабуе забяспечыць бяспеку мяжы паміж Расіяй і Украінай

2014 2014-08-29T11:05:02+0300 2014-08-29T11:09:31+0300 be http://spring96.org/files/images/sources/un-sc-ukraine.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Джэфры Фелтман і Віталь Чуркін на паседжанні Савета Бяспекі ААН па Украіне. Фота:  un.org

Джэфры Фелтман і Віталь Чуркін на паседжанні Савета Бяспекі ААН па Украіне. Фота: un.org

Савет Бяспекі ААН 28 жніўня правёў экстраннае паседжанне, прысвечанае сітуацыі ў Украіне. 

Выступаючы перад сябрамі Савета Бяспекі, намеснік Генеральнага сакратара ААН па палітычных пытаннях Джэфры Фелтман заявіў аб неабходнасці знайсці канструктыўны шлях урэгулявання крызісу, наступствы якога могуць выйсці далёка за межы Украіны.

Джэфры Фелтман праінфармаваў Савет Бяспекі аб актывізацыі дзейнасці ўзброеных групаў, якія аперуюць ў Данецкай вобласці. Паводле яго, гвалт, распаўсюдзіўся на паўднёвае ўзбярэжжа Украіны, у напрамку порта Марыупаль, які мае важнае стратэгічнае значэнне. Узброеныя фармаванні, у прыватнасці, захапілі горад Новаазоўск.

«Мы не можам ігнараваць трывожныя паведамленні пра ўдзел расійскіх вайскоўцаў у новай хвалі эскалацыі. Калі гэтыя дадзеныя пацвердзяцца, яны будуць сведчыць пра прамое парушэнне міжнароднага права і Статута ААН, - заявіў Джэфры Фелтман. - У Арганізацыі Аб'яднаных Нацый няма незалежных інструментаў для праверкі гэтай інфармацыі, а Расійская Федэрацыя рашуча адмаўляе гэтыя паведамленні».

Намеснік Генеральнага сакратара таксама спаслаўся на паведамленні пра тое, што на тэрыторыю Украіны бесперапынна пастаўляецца зброя з Расіі.

Па словах Фелтмана, існуе неабходнасць у тэрміновым парадку забяспечыць трываласць мяжы паміж дзвюма краінамі пад міжнародным кантролем, як было абумоўлена на перамовах у Мінску. Фелтман нагадаў, што першыя двухбаковыя кансультацыі расійскіх і ўкраінскіх памежнікаў павінны адбыцца 30 жніўня.

Джэфры Фелтман падкрэсліў, што галоўная задача на бягучы момант - звярнуць назад эскалацыю баявых дзеянняў, якая назіралася на працягу апошніх двух сутак, і перайсці ад узброенага супрацьстаяння да палітычнага дыялогу.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international