Крычаўскі райвыканкам адмаўляецца ўзгадняць разьмяшчэньне рэдакцыі газэты “Ўласны камэнтар”, якую зьбіраецца выдаваць Уладзімер Кудраўцаў.

2003 2003-10-03T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

2 кастрычніка судзьдзя Магілёўскага гаспадарчага суду Надзея Падчышчалава правяла судовае слуханьне ў справе Ўладзімера Кудраўцава за зачыненымі дзвярыма. Яна заявіла, што ёй не патрэбныя пабочныя назіральнікі ў гэтым судовым працэсе.

У выніку двухгадзіннага паседжаньня судзьдзя вынесла пастанову пакінуць пазоў прадпрымальніка да Крычаўскага райвыканкаму без разгляду, бо Ўладзмер Кудраўцаў не выканаў дасудовы парадак. Раённыя ўлады адмаўлялі яму ва ўзгадненьні юрыдычнай адрэсы рэдакцыі двойчы, аднак толькі адное рашэньне было абскарджанае ў Магілёўскім аблвыканкаме.

Пасьля суду Ўладзімер Кудраўцаў заявіў карэспандэнту Радыё Свабода наступнае: “Несумнеўна мы будзем працягваць барацьбу, каб дамагчыся перамогі. У нас у Крычаве толькі адна газэта – «Ленінскі кліч», дакладней – «Ленінскі крык», і таму трэба абуджаць гэтых савецкіх людзей, якія абалваненыя камуністычнай прапагандай”.

Пазоўнік мае намер выканаць дасудовы парадак (гэта зойме прыкладна паўтары месяцы) і зноў зьвярнуцца у гаспадарчы суд з тым, каб ліквідаваць перашкоду, якую чыніць Крычаўскі райвыканкам ў рэгістрацыі недзяржаўнай інфармацыйна-аналітычнай газэты “Ўласны камэнтар”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international