Брэст: жыхары гістарычнага будынка ў цэнтры горада дамагліся, каб гэты дом не быў знішчаны

2014 2014-08-25T23:04:36+0300 2014-08-25T23:04:36+0300 be http://spring96.org/files/images/sources/brest-dom-na-astrouskaga.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Як высвятлілася, яшчэ сёлета ў траўні Брэсцкі аблвыканкам выступіў з ініцыятывай выключэння з інвестыцыйнай дамовы з ТАА “Эледы” дома №10 па вуліцы Астроўскага.

Паводле словаў брэсцкага каардынатара Руху “За Свабоду” Дзяніса Турчаняка, які другі год дапамагае жыхарам гэтага дома адстойваць свае правы, звесткі пра тое, што інвестыцыйная дамова перагледжана, прыйшлі выпадкова, а саміх грамадзян ніхто пра гэта не папярэдзіў. Дарэчы, раней таксама ніхто іх увогуле не праінфамаваў пра існаванне згаданай дамовы.

Як паведаміў Турчаняк, ад самага пачатку было зразумела, што ў справе з домам №10 па вуліцы Астроўскага аблвыканкам перавысіў паўнамоцтвы, якія прадстаўлены гэтай установе Законам “Аб мясцовым кіраванні і самакіраванні”, бо чыноўнікі хацелі вырашыць лёс прыватнай уласнасці грамадзян без іх ведама і згоды.

Такім чынам, гісторыя гэтага дома, якая стался падставай для зваротаў у пракуратуру і некалькіх судовых паседжанняў, нарэшце прынесла вынік: будынак, што з'яўляецца гісторыка-культурнай каштоўнасцю, быў выключаны з праекту забудовы цэнтра горада. Аднак па-ранейшаму няма пэўнасці наконт гаспадарчых забудоў, што знаходзяцца побач з домам №10 і належаць жыхарам. Паводле апошніх зывестак, інвестар хоча пачаць на гэтай тэрыторыі будаўніцтва шматпавярховага дома, але ўласнікі гаспадарчых забудоў згоду на іх дэмантаж не давалі. Дзяніс Турчаняк спаядзецца, што ў гэтай справе будзе дасягнуты кампраміс, і цяперашнім гаспадарам будзе прапанавана грашовая кампенсацыя, якая іх задаволіць.

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international