Азербайджанскаму праваабаронцу Інтыгаму Аліеву могуць прад'явіць новае абвінавачванне

2014 2014-08-15T15:36:00+0300 2014-08-15T15:36:00+0300 be http://spring96.org/files/images/sources/gasymly_anar.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Анар Гасымлы, адвакат з Азербайджана

Анар Гасымлы, адвакат з Азербайджана

Анар Гасымлы, адвакат арыштаванага кіраўніка Таварыства прававой асветы, выказвае асцярогі, што яго падабароннаму можа быць высунута новае абвінавачанне ў незаконным набыцці, збыце або нашэнні халоднай зброі.

Гэтым меркаваннем, выкліканымі прызначэннем экспертызы канфіскаваных пры вобшуку ў доме Аліева дэкаратыўных кінжалаў, адвакат падзяліўся з сайтам "Каўказскі вузел".

Нагадаем, Інтыгам Аліеў быў арыштаваны ў Баку 8 жніўня па абвінавачваннях, якія прад'яўленыя і іншым праваабаронцам у межах крымінальнай справы супраць шэрагу няўрадавых арганізацый - па артыкулах 213.1 (ухіленне ад выплаты падаткаў), 308.2 (злоўжыванне службовымі паўнамоцтвамі) і 192.2.2 (незаконнае прадпрымальніцтва) Крымінальнага кодэкса Азербайджана.

14 жніўня следчы Следчага ўпраўлення па цяжкіх злачынствах Генеральнай пракуратуры Азербайджана Эльвіз Салаеў прызначыў экспертызу "на прадмет устанаўлення, ці з'яўляюцца халоднай зброяй забраныя падчас ператрусу ў доме праваабаронцы тры дэкаратыўныя сувенірныя кінжалы", паведаміў адвакат Гасымлы. "Верагодна, гэта зроблена з мэтай вылучэння супраць Інтыгама Аліева новага абвінавачвання ў незаконным набыцці, збыце або нашэнні халоднай зброі", - заявіў ён. Анар Гасымлы лічыць рашэнне аб правядзенні экспертызы неабгрунтаваным: "Як можна сумнявацца ў законнасці захоўвання прадметаў, якія прадаюцца ў крамах".

Наогул, паводле яго слоў, калі экспертыза дасць выгаднае для следства заключэнне, усё роўна няма падстаў для вылучэння супраць Аліева абвінавачвання, звязанага з халоднай зброяй, паколькі кінжалы знаходзіліся ў яго дома, а захоўванне халоднай зброі (у адрозненне ад набыцця ад незаконнай крыніцы, нашэння і збыту) не караецца законам. Артыкул 228.4 (незаконныя набыццё, збыт або нашэнне халоднай зброі) КК прадугледжвае пакаранне ў выглядзе грамадскіх работ на тэрмін ад 160 да 200 гадзін, або папраўчыя работы на тэрмін да двух гадоў, альбо пазбаўленне волі на тэрмін да аднаго года.

Сам Інтыгам Аліеў, па словах адваката, каментуючы пратакол аб рашэнні пра экспертызу кінжалаў, сказаў, што з такой жа логікай следчыя маглі б забралі курэй і качак з яго двара.

Адвакат таксама распавёў, што адміністрацыя СІЗА №1 вынесла Аліеву вымову за тое, што ён праз адваката перадаваў запісы адносна працягу абароны правоў у Еўрапейскім судзе па правах чалавека тых людзей, чые справы ўжо прынятыя да разгляду. "Гэта былі нататкі аб тым, з кім варта звязвацца па абароне правоў каля 40 заяўнікоў, якія падалі скаргі на фальсіфікацыі на парламенцкіх выбарах 2010 года. Гэтыя справы знаходзяцца ўжо на разглядзе Еўрапейскага суда па правах чалавека, і Інтыгам Аліеў прасіў калегаў, каб яны давялі да канца пачатыя ім справы", - сказаў Гасымлы. Таварыства прававой асветы займалася аказаннем прававой дапамогі грамадзянам, у тым ліку ў падрыхтоўцы заяў у Еўрапейскі суд па правах чалавека. Арганізацыя таксама вяла адукацыйныя праграмы для маладых юрыстаў, многія з якіх пасля сталі адвакатамі і абаранялі правы палітвязняў.

Па словах адваката, мера спагнання ў выглядзе вымовы можа быць прыменена супраць асуджанага, а не на падследнага. Анар Гасымлы таксама паведаміў пра падрыхтоўку абаронай хадайніцтва пра замену меры стрымання Аліеву на хатні арышт.

Генеральная пракуратура Азербайджана пакуль не каментуе крымінальную справа супраць Аліева.

12 жніўня Amnesty International прызнала Інтыгама Аліева "вязнем сумлення". Ён стаў трэцім праваабаронцам у Азербайджане, прызнаным Amnesty International "вязнем сумлення" за апошнія тыдні ўслед за Лэйлай Юнус і Расулам Джафаравым. З просьбай да ўладаў Азербайджана "неадкладна вызваліць" Інтыгама Аліева звярнуўся Еўрапейскі праваабарончы альянс Pro Bono.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international