Алег Корбан пакуль на свабодзе
Алег Корбан, "Альтэрнатыва"
Адвакат Вольга Безбародкіна паведаміла, што пакуль пастанова суда не ўступіла ў сілу, яна абскардзіла арышт Алега Корбана ў Мінскі гарадскі суд.
Падчас адміністратыўнага працэсу ў судзе Фрунзенскага раёна Мінска 12 жніўня адвакат настойвала на незаконнасці арышту актывіста, паколькі відавочныя працэсуальныя парушэнні, а таксама прасіла суддзю спыніць справу праз адсутнасць падзеі правапарушэння ў адпаведнасці з арт. 9.6 п.2 ПВКаАП РБ.
«Яго абвінавацілі ў нецэнзурнай лаянцы ў грамадскім месцы. Але ў судзе я казала, што не можа чалавек, які мае вышэйшую адукацыю (ён скончыў Кіеўскі універсітэт па спецыяльнасці «псіхалогія»), выказвацца на хаду такімі словамі, - адзначыла адвакат. - Я сказала, што гэта яўная падстава!»
Нагадаем, лідэр грамадскага аб'яднання "Альтэрнатыва" Алег Корбан быў затрыманы раніцай 12 жніўня ў Менску каля станцыі метро "Каменная горка". У Фрунзенскім РУУС на яго быў складзены пратакол за "дробнае хуліганства" - па арт. 17.1 КаАП. Суд Фрунзенскага раёна пастанавіў пакараць актывіста адміністратыўным арыштам на 10 сутак.
