Гомель: міліцыя пагражае сустаршыні «Маладога Фронту» Андрусю Цянюту

2014 2014-07-28T01:02:33+0300 2014-07-28T01:03:11+0300 be http://spring96.org/files/images/sources/andrus_cianiuta.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Андрусь Цянюта, "Малады Фронт"

Андрусь Цянюта, "Малады Фронт"

27 ліпеня на хатні нумар сустаршыні «Маладога Фронту» Андруся Цянюты патэлефанаваў невядомы, які прадставіўся ўчастковым інспектарам міліцыі і ва ўльтыматыўнай форме запатрабаваў тэрмінова прыйсці ў аддзел міліцыі. Прычым міліцыянер, калі гэта быў ён, не ўскладняў размову тлумачэннем такога раптоўнага выкліку ў міліцыю ў нядзелю, толькі сказаў, што «прыйшлі паперы з суду». Калі ж Андрусь Цянюта адмовіўся прыйсці ў аддзел без позвы, без тлумачэння прычын з боку міліцыі, чалавек, які тэлефанаваў, пачаў пагражаць сустаршыні «МФ»: «Зараз прыедзе нарад і завязе цябе ў аддзел!».

Актывіст мяркуе, што выклік у аддзел можна быць звязаны з памятнай датай 27 ліпеня – гадавінай абвяшчэнне Дэкларацыі аб суверэнітэце Беларусі. На 27 ліпеня гомельская апазіцыя планавала правесці ў горадзе 40 пікетаў, але гарвыканкам не даў дазвол на масавыя мерапрыемствы.

Варта дадаць, што ўсе пакаранні па пастановах суда, - штрафы, адміністрацыйны арышт Андрусь Цянюта сплаціў і адбыў, таму не мае ніякіх «пазыкаў» перад судом і міліцыяй. У траўні яго затрымалі напярэдадні Чэмпіянату свету па хакею, і ён адбываў адміністрацыйны арышт нібыта за брудную лаянку і супраціў міліцыі. Пасля гэтага актывіста адлічылі з завочнага факультэта ГДУ ім.Ф.Скарыны.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international