Салігорск: чыноўнікі “дзяржаўную ідаэлогію” атаясамляюць з “карпаратыўнай культурай”

2014 2014-07-28T00:49:43+0300 2014-07-28T00:49:43+0300 be http://spring96.org/files/images/sources/idealohija.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Салігорскія праваабаронцы зафіксавалі новую прыхаваную форму насаджвання так званай “дзяржаўнай ідэалогіі” на прадпрыемствах раёна. Цяпер гэта робіцца пад маскай карпаратыўнай культуры.

Выкарыстанне такога эўфемізму ў лексіцы дзяржаўных ідэолагаў вызнаецца абсалютна адкрыта. Палітычная аглядальніца выканкамаўскай газеты “Шахцёр” Вікторыя Раманава ў адным з сваіх артыкулаў пад назвай “У ідэалагічнай пацы няма дробязяў” піша: “Чамусьці ў нашай краіне да слова “ідэалогія” некаторыя суайчыннікі ставяцца насцярожана: адбіваецца, напэўна, досвед савецкага мінулага. У той жа час ідэалагічная праца - гэта тое, што ў буйных сусветных кампаніях называюць карпаратыўнай культурай.”

Па словах рэгіянальнага прадстаўніка БХК Леаніда Мархоткі, такім чынам штатныя прапагандысты наўпрост маніпулююць грамадскай думкай.

- Мы ўжо раней звярталі ўвагу на тую акалічнасць, што ў дэмакратычнай дзяржаве не можа быць дзяржаўнай ідэалогіі. У свабодных краінах дзейнічае прынцып палітычнага плюралізму, які садзейнічае канурэнцыі розных ідэлогій. Дзяржаўная ідэалогія з’яўляецца прыкметай аўтарытарнай ці тататлітарнай краіны, - кажа праваабаронца.

Каб адбяліць панятак дзяржаўнай ідэалогіі, салігорскія чыноўнікі нават пытанні добраўпарадкавання тэрыторый, фарміравання здаровага ладу жыцця, арганізацыі спартовых мерапрыемстваў і правядзенне так званых гульняў Клубу вясёлых і знаходлівых пачалі адносіць да ідэалагічных пытанняў.

- Справа ў тым, што сучасныя палітычныя ідэалогіі -- гэта цэлыя сістэмы поглядаў. Лібералізм, кансерватызм, сацыялізм - гэта сапраўдныя вучэнні, якія маюць сваіх мысляроў і свае філасофскія прынцыпы. Прынцып жа нашай дзяржаўнай ідэалогіі - утрыманне ўлады любымі сродкамі. Адсюль усё гэтае добраўпарадкаванне тэрыторый, якое стварае для грамадзян ілюзію дабрабыту і падтрымку лідэру, - тлумачыць сітуацыю Леанід Мархотка.

Прадстаўнікі БХК з Салігорску нагадваюць, што адсутнасць у краіне свабоды слова, свабоды сродкаў масавай інфармацыі, свабодных выбараў ды сталы ціск на незалежныя ад дзяржавы грамадскія арганізацыі і з’яўляецца адначасова прычынай і следствам наяўнасці ў краіне “дзяржаўнай ідэалогіі”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international