Гродзенскі актывіст АГП падаў скаргу ў КПЧ ААН

2014 2014-07-23T10:01:32+0300 2014-07-23T10:01:32+0300 be http://spring96.org/files/images/sources/aan-sciag.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

22 ліпеня старшыня гродзенскай гарадской арганізацыі АГП Ежы Грыгенча накіраваў скаргу ў Камітэт па правах чалавека ААН. Гродзенскі актывіст лічыць парушаным ягонае права на мірныя сходы. Падставай для звароту ў наднацыянальны орган абароны правоў чалавека стала рашэнне Ленінскага суда Гродна, які пад старшынствам суддзі Алены Пятровай аштрафаваў яго за актыўны ўдзел у масавым мерапрыемстве.

– Мы прайшлі ўжо ўсе патрэбныя інстанцыі. Як і чакалася, ніхто не адмяніў рашэнне Ленінскага раённага суда Гродна. Таму зараз у мяне надзея на КПЧ. Я хачу даказаць ўсім хто мяне караў, што праўда за мной, – распавядае Ежы Грыгенча. – Таксама мяне абурыў той факт, што пракуратура нават адказу не дала на мой ліст. Я звяртаў увагу на тое, што супрацоўнікі міліцыі, якія складалі на мяне пратакол, або ілгуць у судзе, або проста не выконваюць сваіх абавязкаў падчас акцыі. Бо калі мы нешта на акцыі парушалі, то яны мусілі нас пра гэта папярэдзіць. Гэта іх абавязак. Але там яны толькі паглядалі з боку, праверылі нашы дакументы і ні на што не звярнулі ўвагу, што пераконвала нас, што мы нічога не парушаем. А ў судзе яны пачалі казаць пра нібыта парушэнне. Ну а пракуратура заняла пазіцыю маўчання.

Нагадаем, што Ежы Грыгенча разам з чатырма іншымі ўдзельнікамі перадвыбарчага пікета былі асуджаныя ўдзел у нібыта несанкцыянаваным мерапрыемстве, якое праходзіла 7-га лютага бягучага года. На гэтым пікеце на гродзенскай вуліцы імя Ажэшкі збіраліся подпісы за вылучэнне кандыдатаў у дэпутаты мясцовых саветаў, а таксама збіраліся подпісы супраць увядзенне новай аўтапошліны.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international