Amnesty International у Галандыі: Рады вызваленню Алеся Бяляцкага, працягваем змаганне за Мікалая Статкевіча і Эдуарда Лобава (фота)

2014 2014-07-16T12:09:18+0300 2014-07-16T12:21:14+0300 be http://spring96.org/files/images/sources/ai_nederland-bialiacki-2013.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Акцыя галандскага Amnesty International у дзень народзінаў Алеся Бяляцкага ў 2013 годзе

Акцыя галандскага Amnesty International у дзень народзінаў Алеся Бяляцкага ў 2013 годзе

Днямі кіраўнік Праваабарончага цэнтра “Вясна” Алесь Бяляцкі атрымаў ліст ад актывістаў галандскага аддзялення Amnesty International, якія падчас зняволення беларускага праваабаронцы ладзілі даволі арыгінальныя акцыі ў яго падрымку.

“Для нас было невымоўнай радасцю пачуць пра вашае вызваленне ды пабачыць вас зноў на волі. Мы часта пра вас узгадвалі на працягу апошніх трох гадоў. У гэты час мы пастаянна правяралі, ці памятае пра вас Амбасада Беларусі ў Нідэрландах, а праз яе – і беларускія ўлады”, - так пачынаецца гэты вітальны ліст. 

Сярод іншага, актывісты AI адзначалі 51-ы дзень народзінаў Алеся Бяляцкага на прыступках Амбасады і з дапамогай 6,000 банкаўскіх пераводаў [адзін сімвалічны перавод складаў адзін еўрацэнт – рэд.] заклікалі ўлады зняць абвінавачванні ва ўхіленні ад падаткаў ды неадкладна і безумоўна вызваліць праваабаронцу. Галандскае аддзяленне AI сабрала амаль 100 тысяч подпісаў за вызваленне Алеся.

“Мы ведаем, што вашае вызваленне не з'яўляецца безумоўным, як мы таго хацелі б. Мы будзем працягваць уважліва сачыць за становішчам у Беларусі, і нашая ўвага будзе асабліва засяроджаная на вызваленні Мікалая Статкевіча і Эдуарда Лобава, якія дасюль утрымліваюцца ў зняволенні, - гаворыцца далей у лісце. -Мы радыя, што вы можаце працягваць змаганне “Вясны” за правы чалавека ў Беларусі, і будзеце працягваць падтрымліваць нас у гэтым”.

Нагадаем, што Мікалай Статкевіч, Эдуард Лобаў і Алесь Бяляцкі былі прызнаныя праваабарончай арганізацыяй Amnesty International вязнямі сумлення. 

Галандскія актывісты Amnesty International вітаюць вызваленне Алеся Бяляцкага
Ліст галандскіх актывістаў Amnesty International Алесю Бяляцкаму

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international