Салігорск: ТБМ працягвае барацьбу за выкананне закона "Аб геаграфічных назвах"

2014 2014-07-14T07:51:34+0300 2014-07-14T07:51:34+0300 be http://spring96.org/files/images/sources/1logo_tbm.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Салігорская гарадская арганізацыя “Таварыства беларускай мовы” накіравала паўторны зварот у Дзяржаўны камітэт па маёмасці з патрабаваннем прывесці назвы шыльдаў на будынках сталіцы шахцёраў у адпаведнасць Закону “Аб назвах геаграфічных аб’ектаў”.

Аналагічны запыт сябры арганізацыі ў прыватным парадку накіроўвалі у згаданую вышэй дзяржаўную ўстанову яшчэ напрыканцы красавіка. Зрэшты, адказу на свой зварот яны дагэтуль не атрымалі.

- Справа ў тым, што нашыя сябры звярталіся ў Камітэт праз сістэму так званых электронных зваротаў на сайце гэтай дзяржаўнай установы. Адказу яны не атрымалі, а пацвердзіць факт звароту гэтая электронная сістэме не дазваляе, - кажа старшыня салігорскага ТБМ Мікалай Шаравар. - Таму цяпер мы даслалі афіцыйны ліст ад імя нашай гарадской арганізацыі звычайнай поштай з заказным уведамленнем. Калі і цяпер адказу не дачакаемся, дык будзем звяртацца ў пракуратуру.

Нагадаем, паводле дзеючага заканадаўства найменні геаграфічным аб'ектам у Беларусі прысвойваюцца на беларускай мове, а перадача іх на рускую мову магчымая толькі шляхам транслітарацыі. Існаванне адначасова двухмоўных назваў вуліц, кшталту салігорскіх Кастрычніцкай і “Октябрьской” ці Чыгуначнай і “Железнодорожной”, з’яўляецца незаконным і перашкаджае назвам унутрыгарадскіх аб’ектаў выконваць сваю непасрэдную функцыю адраснасці.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international