Баранавічы: грамадскія актывісты напісалі скаргу на дзеянні чыноўнікаў гарвыканкама

2014 2014-07-03T08:17:49+0300 2014-07-03T08:17:49+0300 be http://spring96.org/files/images/sources/charnavus-vajceshyk.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

2 ліпеня індывідуальныя прадпрымальнікі Мікалай Чарнавус і Аляксандр Вайцешык напісалі скаргу ў кнізе заўваг і прапаноў Баранавіцкага гарвыканкама на дзеянні гарадскіх чыноўнікаў. Грамадскіх актывістаў абурылі абыякавыя адносіныгарадскіх чыноўнікаў да людскіх праблем. Яны напісалі ў кнізе скаргаў, што 1 ліпеня каля 300 індывідуальных прадпрымальнікаў прыйшлі ў гарвыканкам, каб абмеркаваць з кіраўніцтвам горада праблемы горада і малога бізнеса. Але ніхто з чыноўнікаў да іх не выйшаў, нягледзячы на тое, што старшыня гарвыканкама Юрый Грамакоўскі, яго намеснікі, а таксама начальнік упраўлення эканомікі Раіса Уласевіч былі на працоўных месцах і добра ведалі, што поўная зала людзей чакае іх, каб разам пагаварыць пра набалелае.

– Чыноўнікі ўсіх узроўняў любяць пахваліцца, што яны служаць найперш народу, і інтарэсы людзей ў іх стаяць на першым месцы. Вось мы на практыцы і пераканаліся, як яны цікавяцца нашымі праблемамі, – паведаміў Аляксандр Вайцешык.

Мікалай Чарнавус і Аляксандр Вайцешык папрасілі кіраўніцтва горада правесці праверку па гэтаму факту і адказаць: чаму ніхто з чыноўнікаў не выйшаў да людзей?

 

фота: Мікалай Чарнавус і Аляксандр Вайцешык перад будынкам Баранавіцкага гарвыканкама

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international