ГА «БАЖ» звярнулася да міжнародных журналісцкіх арганізацый

2014 2014-06-25T10:21:38+0300 2014-06-25T10:21:38+0300 be http://spring96.org/files/images/sources/baj.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Зварот ГА «БАЖ» да міжнародных журналісцкіх арганізацый

Расійска-украінскі канфлікт, як ніколі дагэтуль, абвастрыў пытанне журналісцкага прызначэння і адказнасці. Журналісты гінуць і церпяць на многіх войнах – іх выкрадаюць, вярбуюць, забіваюць, але не кожная вайна пагражае журналістыцы як прафесіі.

У расійска-украінскім канфлікце мы cутыкаемся з абуральнымі фактамі фальсіфікавання рэчаіснасці і маніпулявання грамадскай свядомасцю. Некаторыя расійскія журналісты адкрыта прызнаюць, што ўказанні адносна скажэння фактаў прыходзяць ад іх кіраўніцтва з Масквы. Супраць удзелу ў прапагандысцкай агрэсіі выступілі і некаторыя журналісты ў самой Расіі, пра што сведчыць ініцыятыва стварэння там незалежнага прафесійнага саюза.

Розгалас ад гэтай інфармацыйнай вайны даўно перасягнуў межы канфлікту дзвюх краін. Яна непасрэдна ўплывае на свядомасць людзей у памежных краінах, у тым ліку і Беларусі. Таму мы лічым, што сітуацыя з асвятленнем падзеяў на ўсходзе Украіны вымагае тэрміновай ацэнкі міжнароднымі журналісцкімі арганізацыямі. Калі не зрабіць гэтага своечасова, наступствы размывання стандартаў журналістыкі адчуюць на сабе людзі ва ўсім свеце. 

Мы заклікаем Міжнародную і Еўрапейскую федэрацыі журналістаў, Асацыяцыю еўрапейскіх журналістаў, Еўрапейскі вяшчальны саюз, іншыя прафесійныя арганізацыі неадкладна правесці маніторынг асвятлення расійска-украінскага канфлікту, ацаніць выкананне прынцыпаў журналісцкай этыкі, паслядоўна дамагацца захавання стандартаў прафесіі, каб спыніць нахабнае выкарыстанне СМІ палітыкамі ў інфармацыйных войнах.

 

Прынята Праўленнем ГА «БАЖ»

24.06.2014

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international