Зьмітра Лісіенку аштрафавалі за графіці “Свабоду Шчукіну!”

2007 2007-06-20T10:00:00+0300 1970-01-01T03:00:00+0300 be

Судзьдзя Кастрычніцкага райсуду Віцебску прызнала менскага актывіста вінаватым у дробным хуліганстве. Яго пакаралі штрафам 310 тысяч рублёў.

Ні на адным з двух судовых пасяджэньняў Зьміцер Лісіенка сваёй віны не прызнаў. Але судзьдзя палічыла вартымі даверу міліцэйскія пратаколы ды паказаньні міліцыянтаў-сьведкаў, якія праводзілі затрыманьне.

Зьмітра Лісіенку затрымалі ўначы 9 чэрвеня каля Віцебскай абласной управы Міністэрства ўнутраных справаў, на будынку якой зьявіўся надпіс “Свабоду Шчукіну!”.

Зьміцер распавёў, што прыехаў у Віцебск 6 чэрвеня, каб падтрымаць Валер’я Шчукіна падчас ягонага судовага працэсу.

Увогуле ж на менскага моладзевага актывіста ў Віцебску за тыдзень завялі тры адміністрацыйныя справы.

Яго аштрафавалі на 620 тысяч рублёў за непадпарадкаваньне міліцыі падчас разгону пікету каля Першамайскага райсуду, дзе судзілі Валер’я Шчукіна. Лісіенка заступіўся за дзяўчат, якіх міліцыянты зьбівалі й гвалтам цягнулі ў машыну.

Таксама актывіст адбыў трое сутак арышту за графіці “Свабоду Казуліну!”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international