Freedom House: горш, чым у Беларусі, толькі ў Туркмэністане і Ўзбэкістане

2014 2014-06-12T10:12:36+0300 2014-06-12T10:12:36+0300 be http://spring96.org/files/images/sources/freedom.jpg

Абнародаваная справаздача «Транзытныя нацыі – 2014» міжнароднай дасьледнай арганізацыі Freedom House.

Яна ўтрымлівае аналіз стану дэмакратыі і правоў чалавека ў 29 краінах Цэнтральнай і Ўсходняй Эўропы і Эўразіі.
У дакладзе падкрэсьліваецца ключавая роля Расеі ў зьніжэньні ўзроўню дэмакратыі сярод краінаў постсавецкай сфэры. Паводле дасьледаваньня Расея адыгрывае ролю ўзору для іншых краін рэгіёну.
Freedom House адзначае няўдачы ў дэмакратычным кіраваньні ня толькі ў краінах Эўразіі і на Балканах, але і ў посткамуністычнай Цэнтральнай Эўропе, дзе захаваньне карупцыі было заўважным у мінулым годзе.
Freedom House вылучае 7 парамэтраў, сярод якіх – стан грамадзянскай супольнасьці, выбарчага працэсу, мэдыяў, узровень карупцыі і іншыя. Ацэнка робіцца па 7-бальнай шкале, 1 бал азначае найлепшае становішча, 7 – найгоршае.
Становішча ў Беларусі паводле дакладаў Freedom House застаецца стабільна кепскім 2 апошнія гады.
Для параўнаньня – індэкс дэмакратыі ў краінах рэгіёну складае ў 2014 паводле Freedom House 6.61 у Казахстана, 6.29 у Расеі, 4.93 ва Ўкраіне, 2.36 у Літве, 2.07 у Латвіі, 2.18 у Польшчы.
Беларусь, разам з Расеяй, Таджыкістанам, Казахстанам, Азэрбайджанам, Туркмэністанам і Ўзбэкістанам трапіла ў групу кансалідаваных аўтарытарных рэжымаў. Паводле Freedom House, горшая, чым у Беларусі, сытуацыя толькі ў Туркмэністане і Ўзбэкістане.
Паводле справаздачы, сярэдняя ацэнка дэмакратыі ў рэгіёне зьнізілася ў параўнаньні з папярэднім годам, адмоўны ўплыў Расеі выразіўся ў прыняцьці ў шэрагу краінаў Эўразіі законаў на ўзор расейскіх, якія абмяжоўваюць «прапаганду гомасэксуалізму» і замежнае фінансаваньне грамадзкіх арганізацый. Адзначаецца рост карупцыі ў краінах Цэнтральнай і Ўсходняй Эўропы, што прывяло да паніжэньня ацэнак дэмакратыі ў 5 з 10 краінаў Эўразьвязу, якія былі аб'ектамі дасьледаваньня.
Паводле дасьледнікаў Аляксандар Лукашэнка ў 2013 годзе не сутыкнуўся ні зь якімі сур'ёзнымі выклікамі сваёй уладзе, грамадзянская актыўнасьць застаецца на нізкім узроўні пасьля жорсткага задушэньня пратэстаў пасьля выбараў 2010 году.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international