Беларускія праваабаронцы азнаёміліся са швецкай сістэмай абароны правоў чалавека

2014 2014-06-11T20:44:02+0300 2014-06-11T20:44:02+0300 be http://spring96.org/files/images/sources/vizit-shvecyja-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У пачатку чэрвеня сябры Праваабарончага цэнтра “Вясна” Віктар Сазонаў з Гродна, Алесь Капуцкі з Маладзечна, Тамара Шчапёткіна з Бярозы і Святлана Лапіцкая з Жодзіна наведалі Стакгольм, каб азнаёміцца са швецкай сістэмай абароны правоў чалавека і працай швецкіх калег.

-- Швецыя пабудавала для сваіх грамадзян сапраўдны сацыялізм, у аснове якога прынцыпы справядлівасці і сумленнасці, павага да правоў чалавека, - адзначае Віктар Сазонаў. – Тое, што мы бачылі ў Швецыі, - незалежныя суды, незалежная пракуратура, інстытуты амбудсменаў для кантролю над усімі дзяржаўнымі органамі і наладжаны быт, дзе ўсё прадумана і ўсё адбываецца ў інтарэсах чалавека - гэта ўсё прадукт не толькі фізічнай цяжкай працы многіх пакаленняў, але ў першую чаргу гэта прадукт той справядлівасці той сістэмы, якую змаглі выбудаваць людзі.

Вялікую цікавасць выклікала сустрэча з кіраўніком Міжнароднага аддзела Парламенцкага амбудсмена (ПА) Марыанн фон дэр Эш, якая распавяла пра працу па наглядзе за тым, каб дзяржаўныя ведамствы і суды прытрымліваліся нарматыўных дакументаў і былі аб’ектыўнымі і бесстароннімі, а таксама, каб іх дзейнасць не парушала асноўныя правы і свабоды грамадзян. Наведалі праваабаронцы і офіс амбудсмэна па супрацьдзеянні дыскрымінацыі. У выніку гэтых сустрэч яны азначылі, што гэты добры вопыт, які можа быць скарыстаны ў справе абароны правоў чалавека ў будучай дэмакратычнай Беларусі.

Сустрэчы і візіт прадстаўнікоў ПЦ “Вясна” былі арганізаваны шведскай праваабарончай арганізацыяй Ostngruppen.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international