Працэс над журналістам Андрэем Мялешкам расцягваецца

2014 2014-06-11T15:06:40+0300 2014-06-12T11:50:14+0300 be http://spring96.org/files/images/sources/mialeshka-andrej-grodna-2.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Андрэй Мялешка

Андрэй Мялешка

   11 чэрвеня ў судзе Кастрычніцкага раёну Гродна прайшло чарговае паседжанне па адміністрацыйнай справе ў дачыненні да журналіста-фрылансера Андрэя Мялешкі, якога вінавацяць у незаконным вырабе і распаўсюдзе інфармацыйнай прадукцыі. У гэты дзень прайшло паўгадзіннае апытанне двух сведак, пасля чаго суддзя Дзмітрый Кедаль абвесціў чарговы перапынак. Працэс працягнецца 16-га чэрвеня, у панядзелак, а 14-й гадзіне.

   Першым быў апытаны як сведка прадстаўнік міліцыі – начальнік аддзелу прафілактыкі Кастрычніцкага РАУС Гродна Андрэй Ганчароў. Ён паведаміў, што яго аддзел ажыццяўляе прагляд інтэрнэт-сайтаў, аднак не змог адказаць на пытанні адвакаткі і самога Мялешкі, на падставе чаго матэрыял, размешчаны ў красавіку на сайце Беларускага Радыё Рацы і падпісаны псеўданімам Ігар Мікалаеў, быў палічаны як аўтарства Мялешкі.

   Адвакатка Мялешкі Кацярына Пятровіч яшчэ раз падкрэсліла, што журналіст не падлягае пакаранню ў судзе паводле артыкула за выраб і распаўсюд інфармацыйнай прадукцыі, паколькі адказнасць паводле закону паводле артыкула КаАП 22.9 частка 2 мусяць несці толькі юрыдычныя асобы і ўстановы. Пасля гэтага суддзя Дзмітрый Кедаль нечакана заявіў, што паколькі ў суд за тыдзень не паступілі матэрыялы з пракуратуры наконт ранейшага папярэджання Мялешку за працу без акрэдытацыі, працэс зноў пераносіцца.

  

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international