83-гадовую актывістку будуць судзіць за гуманітарную дапамогу

2014 2014-06-04T14:56:28+0300 2014-06-04T14:56:28+0300 be http://spring96.org/files/images/sources/sebascjanovich.jpg
Вераніка Себасцьяновіч

Вераніка Себасцьяновіч

Скідзельскай актывістцы Вераніцы Себасцьяновіч пагражае штраф да Br4,5 млн.

Кіраўнік Саюза салдат Арміі Краёвай у Беларусі Вераніка Себасцьяновіч паўстане перад судом 10 чэрвеня нібыта за кантрабанду гуманітарнай дапамогі для членаў гэтай арганізацыі, паведамляе газета непрызнанага беларускімі ўладамі Звязу палякаў Głos znad Niemna (пераклад - charter97.org).

Справу ў дачыненні да 83 гадовай Себасцьяновіч у суд накіравала гродзенская мытня. Яна тычыцца больш чым 70 каробак з гуманітарнай дапамогай для ветэранаў Арміі Краёвай у Беларусі ад польскай асацыяцыі «Одра-Нёман», якія былі канфіскаваныя 2 красавіка.

Па словах мытнікаў, «неўстаноўленая асоба з Польшчы набыла і раздала іншым асобам у Польшчы прадукты харчавання і сувеніры агульным коштам каля тысячы еўра для адпраўкі іх дробнымі партыямі ў Беларусь. Пазней гэтыя тавары былі выяўленыя ў доме Веранікі Себасцьяновіч у Скідзелі, якая павінна была каардынаваць дадзеную кантрабанду, здзяйсняючы адміністрацыйнае правапарушэнне, так як тавары не былі размытненыя».

За гэта скідзельскай актывістцы пагражае штраф ад 5 да 30 базавых велічынь.

Нагадаем, з 2005 года ў краіне існуюць два Саюзы палякаў: афіцыйны, які падтрымлівае палітыку кіраўніцтва Беларусі, і неафіцыйны, які беларускія ўлады не рэгіструюць, але які падтрымлівае Варшава. Яго сябры падвяргаюцца рэпрэсіям з боку афіцыйных уладаў.    

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international