Алесь Бяляцкі пра ўкраінскі канфлікт: Каб неяк навесьці масты – мусяць працаваць няўрадавыя арганізацыі

2014 2014-05-29T16:21:56+0300 2014-05-29T16:30:23+0300 be http://spring96.org/files/images/sources/bialiacki-2007.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Алесь Бяляцкі, віцэ-прэзідэнт FIDH, кіраўнік ПЦ "Вясна"

Алесь Бяляцкі, віцэ-прэзідэнт FIDH, кіраўнік ПЦ "Вясна"

Важную ролю ў вырашэньні грамадзянскай канфрантацыі ва Украіне праваабаронца адводзіць менавіта няўрадавым арганізацыям, якім, на яго думку, давядзецца выпраўляць наступствы “цывілізацыйнага разлому”.

Алесь Бяляцкі лічыць, што карані гэтага канфлікту найперш – цывілізацыйныя і культурныя, а толькі потым – эканамічныя.

Пра гэта палітвязень напісаў у нядаўнім лісьце да каляжанкі Насты Лойкі:

"Для іх (данецкіх і луганскіх) каштоўнасьці еўрапейскія – чужыя. Прынамсі, для старэйшага пакаленьня і для малаадукаванай моладзі. Там, у іх уяўляеньні, - распуста і бязладдзе. А вось аўтарытарная мадэль Расіі – гэта тое, што яны разумеюць і што бліжэй да постсавецкага варыянту. Плюс руская мова, музыка, фільмы. І ў гэтым культурна-моўна-гістарычным катле яны адчуваюць сябе ўтульна, сваімі. І зусім іншая сітуацыя ў той жа Адэсе, дзе жыве большасьць рускіх. Але яны адчуваюць сябе больш далучанымі да еўрапейскіх каштоўнасьцяў, чым да рускага сьвету. Таму там – цывілізацыйны разлом. І каб неяк навесьці масты, залатаць дзіркі – мусяць працаваць няўрадавыя арганізацыі. Бо, па вялікім рахунку, руская культура і сьвядомасьць, яна таксама еўрапейская, толькі замкнёная і своеасаблівая, адметная дзеля адметнага гістарычнага шляху. Але ўсе лепшыя клішэ разьвіцьця ў Расіі і расіянаў усё-роўна еўрапейскія, хоць яны і ня хочуць (частка зь іх) гэта прызнаваць..."

Па словах Насты Лойкі, Алесь Бяляцкі ў кожным лісьце піша пра падзеі ва Украіне і бачна, што гэтыя падзеі яго хвалююць, што праваабаронца ў зьняволеньні імкнецца сабраць як мага болей інфармацыі, якая дазваляе яму падыходзіць да асэнсаваньня гэтага канфлікту з розных бакоў. 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international