Прэзідэнт падпісаў указ аб рэарганізацыі папраўчых калоній

2014 2014-05-29T09:47:46+0300 2014-05-29T09:47:46+0300 be http://spring96.org/files/images/sources/pracy_ltp.jpg

Ліквідацыю, рэарганізацыю і стварэнне шэрагу арганізацый крымінальна-выканаўчай сістэмы і лячэбна-працоўных прафілакторыяў (ЛПП) прадугледжвае падпісаны 28 мая ўказ прэзідэнта № 242 «Аб удасканальванні дзейнасці крымінальна-выканаўчай сістэмы Міністэрства ўнутраных спраў».

Як паведаміла прэс-служба беларускага кіраўніка, прадугледжана ліквідацыя дзвюх папраўчых калоній у Магілёве і Наваполацку, што выклікана «скарачэннем колькасці асоб, якія адбываюць пакаранне ў папраўчых калоніях». На базе ліквідаваных папраўчых калоній і філіяла ЛПП № 4 у Віцебску будуць створаны тры ЛПП. Прадугледжана рэарганізацыя 35 папраўчых устаноў адкрытага тыпу шляхам далучэння 21 установы да 14 «больш перспектыўных устаноў». Такое ўзбуйненне ўстаноў звязана «са зніжэннем удзельнай вагі пакарання ў выглядзе абмежавання волі з накіраваннем у папраўчыя ўстановы адкрытага тыпу ў структуры прызначаных судамі відаў пакаранняў».

«У мэтах забеспячэння асуджаных максімальнай працоўнай занятасцю» ўлічваецца наяўнасць на тэрыторыі дыслакацыі устаноў, якія ўзбуйняюцца, буйных прамысловых аб`ектаў, іншых арганізацый, якія маюць патэнцыяльную магчымасць для іх працаўладкавання.

У сувязі з аптымізацыяй крымінальна-выканаўчай сістэмы ўносяцца адпаведныя змяненні і дапаўненні ў пералік дзяржаўных арганізацый, падпарадкаваных Міністэрству ўнутраных спраў (яго дэпартаментам), зацверджаны ўказам ад 4 снежня 2007 года № 611 «Аб некаторых пытаннях Міністэрства ўнутраных спраў і арганізацый, якія ўваходзяць у сістэму органаў унутраных спраў».

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international