15 чэрвеня ў судзе Мядзельскага раёну адбудзецца разгляд пазову Яраслава Лукасіка аб прызнаньні незаконным рашэньня мясцовага РАУС аб скасаваньні яму віда на жыхарства

2007 2007-06-14T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Жонка дэпартаванага беларускімі ўладамі сьвятара пратэстанцкай царквы “Ян Прадвесьнік” Яраслава Лукасіка Натальля паведаміла ПЦ "Вясна", што судовае паседжаньне пачнецца ў 11 гадзінаў па адрасе: г.Мядзель, вул. Крупскай,6. Справу будзе разглядаць судзьдзя Мядзельскага раённага суду Маташнюк Ігар Віктаравіч.

У іску сьвятар просіць адмяніць рашэньне Мядзельскага РАУС ад 8 траўня, згодна з якім Яраславу Лукасіку ануляваны дазвол на сталае пражываньне ў Беларусі з прычыны ажыцьцяўленьня дзейнасьці, нібыта “накіраванай на нанясеньне шкоды нацыянальнай бясьпецы Рэспублікі Беларусь у галіне міжканфэсійных дачыненьняў”.

Акрамя таго, Натальля Лукасік паведаміла, што 13 чэрвеня атрымала адказ з Упраўленьня па грамадзянству і міграцыі Мінаблвыканкама на сваю скаргу з просьбай адмяніць рашэньне мясцовага РАУС аб скасаваньні віда на жыхарства. "Гэта проста звычайная адпіска, якая інфармуе, што сама працэдура ануляваньня апавядае зьдзейснаму заканадаўству і ніякіх парушэньняў з боку міліцыі дапушчана не было. У адказе Упраўленьне па грамадзянству і міграцыі Мінаблвыканкама спасылаецца на арт. 23 Канстутыцыі РБ, дзе запісана, што абмежаваньне правоў і свабод асобы дапускаецца ў інтарэсах нацыянальнай бясьпекі, грамадзкага парадку і г.д. Аднак якія канкрэтна дзеяньні майго мужа ў галіне міжканфесійных зносін прызнаныя небясьпечнымі, не патлумачана, нягледзячы на выкладзеныя ў маёй скарзе пытаньні", - дадала Натальля Лукасік.

Нагадаем, 6 чэрвеня пратэстанцкі сьвятар Яраслаў Лукасік быў дэпартаваны ў Польшчу, яму забарону на ўезд у Беларусь цягам пяці гадоў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international