Магілёўскія ўлады не дазволі пікетаваць гарвыканкам

2014 2014-05-27T12:23:55+0300 2014-05-27T12:23:55+0300 be http://spring96.org/files/images/sources/dzen-abarony-dziacej.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Праз пікет у цэнтры горада Ірына Ільінская хацела прыцягнуць увагу магілёўскіх чыноўнікаў і гараджан да яе высялення з інтэрната з двума непаўнагадовымі дзецьмі. Пікет жанчына планавала выставіць 1 чэрвеня ў Міжнародны дзень абароны дзяцей.

Падставай для адмовы ў правядзенні мерапрыемства стала тое, што жанчына выбрала нявызначанае для пікета мясцовымі ўладамі месца.

“Я не ведаю, як мне яшчэ бараніць сваё права на пражыванне ў інтэрнаце, - кажа Ірына Ільінская, -- іншыя спосабы ўжо амаль вычарпаныя. Я ў дэкрэтным адпачынку, і мяне з двума дзецьмі без прадастаўлення іншага жылля хочуць выкінуць на вуліцу. Спрабавала працаўладкавацца, аднак усе патэнцыйныя працадаўцы не прадастаўляюць пакой у інтэрнаце. Дзе мне жыць, калі мяне высяляць, я не ведаю”.

Нагадаем, што Ірына Ільінская 14 гадоў пражыла ў інтэрнаце будаўнічага трэста №12. У яе была бестэрміновая дамова на пражыванне па хадайніцтву трэцяй арганізацыі. Год назад з ёй падманным шляхам адміністрацыя трэста заключыла тэрміновую дамову на пражыванне тэрмінам на 1 год, пасля сканчэння якой пачала працэдуру высялення жанчыны.

Ільінская спрабавала адстаяць сваё права на пражыванне з дзецьмі праз суд, аднак суддзя Ленінскага раённага суда Юлія Трапыніна стала на бок адміністрацыі трэста. Магілёўскі абласны суд адмяніў рашэнне раённага суда ў сувязі са шматлікімі парушэннямі працэса і накіраваў справу на новы разгляд. Аднак, спадзяванняў на тое, што жанчына застанецца далей жыць з дзецьмі ў інтэрнаце, мала – новая рэдакцыя Жыллёвага кодэкса дазваля высяляць з інтэрната ўсіх, хто не працуе ў арганізацыі, якой належыць інтэрнат, у тым ліку і маці-адзіночак.   

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international