Брытанскага журналіста не пусцілі ў Беларусь
Журналіст Channel 4 News Джонатан Рагман
Журналіста Channel 4 News Джонатана Рагмана высадзілі на беларускай мяжы.
Пра гэта ён паведаміў у «Твітэры».
«Мне забаранілі ўязджаць у Беларусь. Высадзілі з цягніка і «павязалі». Рэжым Лукашэнкі ў цэнтры ўвагі сёння ўвечары на канале Channel 4 News», - напісаў Рагман.
«Хай прыходзяць, хай глядзяць, мы не будзем нічога хаваць, казаў Лукашэнка 22 красавіка. Чаму вы тады выкідваеце мяне з Беларусі?» - пытаецца журналіст.
Нагадаем, напярэдадні ЧС па хакеі ў Мінск не пусцілі шведскага праваабаронцы Марцін Углу, лідэра «Моладзі Хрысціянска-дэмакратычнай партыі Нарвегіі» Эміля Андрэ Эрстада і міжнароднага дарадцу арганізацыі Лінэ Нордхаўга. Міліцыя таксама перашкаджае працаваць замежным журналістам у Мінску. Так, здымачнай групе фінскага тэлеканала YLE міліцыянты перашкаджалі рабіць інтэрв'ю з жыхарамі Мінска.
