Брэст: міліцыя зацікавілася, якім чынам сацыял-дэмакраты святкавалі Першамай

2014 2014-05-14T14:38:02+0300 2014-05-14T14:38:02+0300 be http://spring96.org/files/images/sources/brest-pershamaj-2014.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Прадстаўнікі праваахоўных органаў склалі пратакол апытання на старшыню Брэсцкай абласной арганізацыі Беларускай сацыял-дэмакратычнай партыі (Грамада) Ігара Маслоўскага.

Як паведаміў сам лідэр мясцовых сацыял-дэмакратаў, міліцыянты завіталі ў партыйны офіс і пажадалі атрымаць тлумачэнні адносна таго, як брэсцкая суполка БСДП (Грамада) ладзіла інфармацыйную кампанію напярэдадні 1 мая і віншавала жыхароў горада.

“Я патлумачыў, што мы дзейнічалі ў рамках беларускага заканадаўства і адзначалі Першамай, які застаецца ў нашай краіне дзяржаўным святам, - паведаміў Ігар Маслоўскі. – Але мы таксама адзначылі яго, як Міжнародны дзень салідарнасці працоўных у барацьбе за свае правы. Тое, што з гэтай нагоды распаўсюджвалі віншаванні і партыйныя бюлетэні, таксама не забаронена заканадаўствам”.

Ігар Маслоўскі лічыць дзіўнай сітуацыю, калі праваахоўныя органы шукаюць нейкія парушэнні пасля таго, як мінула амаль два тыдні пасля падзей. Ён таксама нагадаў, што гарадскія ўлады сёлета забаранілі сацыял-дэмакратам ладзіць у Брэсце першамайскую дэманстрацыю, спаслаўшыся на тое, што дазвол на масавае мерапрыемства ў гэты дзень ужо атрымала Брэсцкае абласное аб’яднанне прафсаюзаў. Паводле словаў Маслоўскага, такі адказ варта лічыць дыскрымінацыяй па палітычных і сацыяльна-эканамічных падставах, бо дэманстрацыя была дазволена тым, хто меў намер правесці святочнае шэсце, і забаронена тым, хто вылучае сацыяльна-эканамічныя патрабаванні.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international